Основачот на „Мајкрософт“, Бил Гејтс, изјави дека ќе го потроши поголемиот дел од своето богатство, кое се проценува на 200 милијарди долари, за подобрување на здравјето и образованието во Африка во следните две децении. Повеќе од 185 милијарди евра ќе бидат потрошени за подобрување на здравјето и образованието во Африка во следните две децении.
Говорејќи во Африканската унија во етиопскиот главен град Адис Абеба, Гејтс рече дека сака да „го ослободи човечкиот потенцијал преку здравјето и образованието“, за да можат сите африкански земји да тргнат по патот на просперитет.
„Тукушто се обврзав да го донирам моето богатство во следните 20 години. Поголемиот дел од овие средства ќе бидат насочени кон решавање на предизвиците овде во Африка“, рече Гејтс, најавувајќи го крајот на активностите на неговата фондација до 2045 година.
Фондацијата Гејтс вели дека нејзините приоритети се спречување на смртни случаи кај мајки и деца што може да се избегнат, искоренување на заразни болести во следната генерација и извлекување на милиони луѓе од сиромаштија.