Свет

Британската влада најнепријателска кон Русија во рангирањето на руски весник

Од првото до десеттото место во поредокот на „Взгљад“ ја нема Македонија, која исто така е на руската листа на непријателски земји

2 минути за читање

Велика Британија се најде на првото место во „рангирањето на непријателските влади“ кон Русија, составено и објавено од рускиот весник „Взгљад“, за да се покаже разликата помеѓу земјите што свесно ѝ се спротивставуваат на Москва“ и оние што се „принудени да го прават тоа против своја волја, поради надворешнополитичките околности“.

Британската влада доби 75 поени од можните 100 за санкциите против руските нафтени компании, но и поради активното залагање за префрлање на руски средства во Украина и за снабдување со оружје на Киев.

Германија и Франција го делат второто место со 70 поени за активното обезбедување финансиска помош на Украина. На третото место се Холандија и Естонија со 65 поени.

Соединетите Американски Држави го зазедоа само четвртото место со 55 поени, а рускиот весник тврди дека на оваа позиција влијаела одлуката на САД привремено да ја суспендира воената помош за Украина.

Најголемиот број земји се на петтото место, и тоа Данска, Италија, Канада, Литванија, Полска, Финска и Шведска со по 50 поени.

Следуваат Норвешка и Белгија на шестата позиција со по 45 поени, а седмото место го делат Шпанија и Грција со по 40. Подолу се Португалија и Словенија (осмо место со 35 бода), а Унгарија и Луксембург се под нив со 30.

Топ 10 го заокружуваат Австрија, Бугарија, Ирска, Малта, Нов Зеланд и Романија со по 25 поени.

„Взгљад“ потсетува дека рускиот министер за надворешни работи Сергеј Лавров нагласил дека Русија постепено се оддалечува од употребата на терминот „непријателска земја“ и го нагласува терминот „непријателска влада“, за да се разјасни дека државата како целина не е идентификувана како непријателска.

Слична изјава даде и рускиот претседател Владимир Путин: „Немаме непријателски земји, имаме непријателски елити“.

На листата на непријателски земји Русија на почетокот на војната со Украина ги вклучи САД, Канада, сите земји од ЕУ, Обединетото Кралство (вклучувајќи ги прекуокеанските територии и зависните територии од Круната), Албанија, Андора, Исланд, Лихтенштајн, Монако, Норвешка, Сан Марино, Македонија, Украина, Црна Гора, Швајцарија, како и Австралија, Микронезија, Нов Зеланд, Сингапур, Тајван (како дел од Кина), Јужна Кореја и Јапонија. Бахамите, Гернзи и Островот Ман подоцна беа додадени на листата.

Поврзани теми:

Македонија|Русија|Велика Британија|листа на непријателски влади|„Взгљад“

Повеќе на оваа тема:

Најнови вести од: Свет

Франс 24: ЕУ разгледува контрамерки како одговор на заканите на Трамп за Гренланд

Земјите-членки на Европската унија разгледуваат контрамерки, како одговор на царинските закани на американскиот претседател Доналд Трамп поради претензии кон Гренланд, и покрај противењето на Данска и ЕУ, јави Франс 24

Шпанија прогласи тридневна жалост по железничката несреќа

Шпанија има најдолга железничка мрежа по Кина, а ова е прва несреќа со брз воз. Во неа загинаа најмалку 39 лица, а властите стравуваат дека бројот на жртви може да се зголеми во наредните часови, бидејќи уште 152 лица се повредени, од кои некои потешко.

(Видео): Најмалку 39 мртви во Шпанија при судар на два воза, луѓето сè уште се извлекуваат од вагоните

Во возот Ирјо имало 300 патници, а во возот Ренфе Алвија 184 луѓе. Шпанија прогласи тридневна жалост по железничката несреќа. Претседателот на Андалузија, Хуан Мануел Морено, изјави дека регионалните власти се преоптоварени од обемот на катастрофата. Морено, непосредно пред обраќањето на шпанскиот премиер Педро Санчез, изјави дека ова е „невидена катастрофа“ што „едноставно ги надмина нашите можности како локална администрација“.

Најмалку седум лица загинаа, а неколку се тешко ранети во експлозија во елитниот дел на Кабул, во Авганистан (Видео)

Седум лица загинаа, а неколку други се ранети во експлозија пред кинески ресторан во населбата Шахр-е-Нав во Кабул, каде што живеат претежно странци, соопштија болничките власти. – Експлозијата се случи во хотел на улицата Гулфароши, во четвртиот округ на Кабул, и има жртви, изјави портпаролот на полицијата во Кабул, Халид Задран, објави АФП.

„Брисел морнинг“: Денес расправа во Европскиот парламент за предлогот да им се изгласа недоверба на Лаен и ЕК – Се проценува оти нема да успее

„Европскиот парламент ќе дебатира за најновиот поднес предлог да ѝ се изгласа недоверба на шефицата на Европската комисија Урсула Лаен и на сиот состав на оваа комисија. Дебатата почнува денес, на 19 јануари навечер, а гласањето е закажано за в четврток. Групите „Патриоти за Европа“, „ECR“ и „Европа на суверени нации“ го поднесоа предлогот, наведувајќи загриженост во врска со трговскиот договор ЕУ-Меркосур и парламентарниот надзор. Предлогот бара двотретинско мнозинство од гласовите, што претставува мнозинство од сите пратеници во Европскиот парламент, за да биде усвоен. Проценките се дека нема да успее ниту овој најнов обид да се тргне Лаен од кормилото на ЕУ.“ – извести од Стразбур информативниот портал „Брисел Морнинг“.
Сите вести од Свет

Најнови вести

To top