Делегација, предводена од страна на командантот на Главниот штаб на Војската на Република Македонија, генерал-мајор Сашко Лафчиски, заедно со државниот секретар во Министерството за одбрана, Елизабета Чуповска Ристова, од денес е во повеќедневна официјална посета на сојузната држава Вермонт во Соединетите Американски Држави, јави МИА
Посетата се одвива во склоп на Програмата за партнерство на САД и опфаќа низа состаноци со високи претставници од Националната гарда на Вермонт, воениот колеџ Норвич, како и со службени претставници на државата Вермонт.
Во текот на посетата, делегацијата ќе има средба и со гувернерот на Вермонт, Фил Скот.
Примарната цел на оваа посета, како што информираа од Главниот штаб на Војската, е подобрување на стратешката одбранбена соработка, размена на искуства и заедничко планирање на тренинзи и активности.
“Оваа активност претставува уште еден чекор во насока на зајакнување на одбранбените капацитети и интероперативноста меѓу Армијата на Република С.Македонија и вооружените сили на САД, во духот на сојузништвото во НАТО”, велат од ГШ на Армијата.