Свет

Двајца уапсени во врска со дрскиот грабеж во Лувр

Предмети во вредност од 88 милиони евра беа украдени од најпосетуваниот музеј во светот претходно овој месец, кога четири крадци вооружени со електрични алати упаднаа во зградата сред бел ден

 

Француската полиција уапси двајца осомничени во врска со кражбата на скапоцени камења од Лувр, објави Би-Би-Си, повикувајќи се на француските медиуми.

Според весникот „Ле Паризиен“, крадцит биле од париското предградие Сен Дени, а еден од нив се подготвува да се качи на лет од аеродромот Шарл де Гол.

Предмети во вредност од 88 милиони евра беа украдени од најпосетуваниот музеј во светот претходно овој месец, кога четири крадци вооружени со електрични алати упаднаа во зградата сред бел ден.

Францускиот министер за правда призна дека безбедносните протоколи не успеале.

Според првичните извештаи, осомничените ѝ се познати на полицијата по претходни кражби. Специјализираната полиција веќе го презеде случајот.

Крадците пристигнале кратко откако музејот ги отворил своите врати за посетителите.

Осомничените пристигнале со механички лифт монтиран на возило за да добијат пристап до галеријата Аполо преку балкон во близина на реката Сена.

Двајца од крадците влегле така што исекле прозорец со електрични алати. Потоа им се заканиле на обезбедувачите, кои го евакуирале просторот, и го исекле стаклото на две витрини со накит.

Прелиминарниот извештај открил дека една од три соби во музејскиот простор немала CCTV камери, според француските медиуми.

Според полицијата, сторителите биле во Лувр само четири минути и избегале со два скутери што чекале надвор.

Филмски грабеж во Париз(ВИДЕО)

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top