Свет

(Фото): „Животното што пукаше ќе плати висока цена“ – Трамп проговори за пукањето во близина на Белата Куќа

Двајца припадници на Националната гарда се застрелани во Вашингтон, само неколку блока оддалечени од Белата куќа, соопшти министерката за внатрешна безбедност Кристи Ноем. Пукањето се случило во областа во близина на метро станицата Фаргат, недалеку од Белата куќа. Засега не е познато во каква здравствена состојба се ранетите војници, објавува Гардијан.

2 минути за читање

Американскиот претседател Доналд Трамп проговори за пукањето во Вашингтон, во близина на Белата куќа, каде што беа нападнати припадници на Националната гарда. Трамп објави на социјалната мрежа TruthSocial, очигледно пред да се открие дека двајца припадници на Националната гарда подлегнале на повредите.

  • „Животното што пукаше кон двајца припадници на Националната гарда, двајцата сериозно повредени и сега се во две различни болници, е исто така сериозно повредено, но без оглед на тоа, тој ќе плати многу висока цена. Нека Бог ја благослови нашата голема Национална гарда и сите припадници на војската и органите за спроведување на законот. Тие се навистина прекрасни луѓе. Јас, како претседател на Соединетите Американски Држави и сите поврзани со кабинетот, стојам со вас!“, напиша Трамп.

Пукањето се случило во центарот на Вашингтон, недалеку од Белата куќа, според извор запознаен со првичните извештаи и службено лице за спроведување на законот, објави CNN.

Пред да бидат застрелани, двајца припадници на Националната гарда размениле оган со осомничениот, соопштија два извори за спроведување на законот. Изворите велат дека осомничениот бил уапсен и однесен од местото на настанот на носилка.

Метрополитенската полиција на Вашингтон на X соопшти дека ситуацијата е под контрола и дека еден осомничен е во притвор, советувајќи ги жителите да ја избегнуваат областа.

Поврзани теми:

пукање|Доналд Трамп|закон|инцидент|Белата куќа|Америка|САД|топ|свет|санкции

Повеќе на оваа тема:

Најнови вести од: Свет

Украинските сили ја вратија контролата врз речиси 90 проценти од Купјанск

Украинските сили ја презедоа контролата врз речиси 90 проценти од градот Купјанск во Харковскиот регион, изјави денеска врховниот командант на вооружените сили на Украина, Александар Сирски, еден ден откако Русија објави дека има целосна контрола врз градот.

Трамп ја прошири забрана за влез во САД: Вклучени Сирија и Палестинците

Американскиот претседател Доналд Трамп вчера потпиша прокламација со која ја прошири забраната за влез во САД за граѓани од дополнителни земји, вклучувајќи ја Сирија и лица со патни документи издадени од Палестинската автономна власт (ПА).

Доналд Трамп поднесе тужба против „Би-Би-Си“, бара отштета од 5 милијарди долари

Во својот говор на 6 јануари 2021 година, во пресрет на немирите во американскиот Капитол, Трамп рече на толпата: „Ќе одиме пеш до Капитол и ќе ги бодриме нашите храбри сенатори, конгресмени и конгресменки“. Повеќе од 50 минути подоцна во истиот говор, тој додаде: „И се бориме. Се бориме како луди“.
Сите вести од Свет

Најнови вести

To top