Свет

Иран се заканува: Земјите од Заливот се легитимни цели ако им дозволат на САД да ја користат нивната територија

Последната „размена на оган“ предизвика цените на нафтата да „скокнат“ за повеќе од 4% денеска

Министерството за надворешни работи на Иран ги предупреди земјите од Заливот дека тие се „легитимни цели“ на „одбранбени“ напади доколку продолжат да им дозволуваат на САД да ја користат нивната територија за непријателски дејствија против Иран, објави АФП.

„Американската терористичка армија, користејќи ја територијата и капацитетите на земјите лоцирани на јужните брегови на Персискиот Залив за подготовка на воена агресија против Иран, ефикасно ги претвори овие земји во арена за нелегална и криминална војна против иранскиот народ“, се вели во соопштението на министерството.

Техеран, исто така, ги отфрли тврдењата на американскиот претседател Доналд Трамп дека двете земји биле блиску до постигнување договор пред да избувнат новите непријателства.

„Министерството за надворешни работи нагласува дека она што го кажа американскиот претседател за исходот од разговорите во Мускат е чиста лага и искривување на фактите: разговорите во Мускат главно беа насочени кон договори за управување со Ормутскиот теснец и сè уште беа во тек, а притисокот на САД врз Оман спречи да се постигне каков било резултат“, заклучи.

Последната „размена на оган“ предизвика цените на нафтата да „сокнат“ за повеќе од 4% денеска, објави Ројтерс.

Снабдувањето со енергија преку Ормутскиот теснец останува под закана поради обновените воени напади меѓу САД и Иран.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top