Свет

Катар сака да му подари авион на Трамп, демократите велат – неетички е

Владата на американскиот претседател Доналд Трамп има намера да прифати авион „Боинг 747-8“ како подарок од катарското кралско семејство, кој би послужил како претседателски авион „Ер Форс Уан“, дознава „Ројтерс“ . Тој луксузен авион би бил еден од највредните подароци што владата на САД некогаш ги добила. Новиот комерцијален 747-8 чини приближно 400 милиони долари. […]

Владата на американскиот претседател Доналд Трамп има намера да прифати авион „Боинг 747-8“ како подарок од катарското кралско семејство, кој би послужил како претседателски авион „Ер Форс Уан“, дознава „Ројтерс“ .

Тој луксузен авион би бил еден од највредните подароци што владата на САД некогаш ги добила. Новиот комерцијален 747-8 чини приближно 400 милиони долари.

Трамп се чини дека е подготвен да го прифати подарокот од Катар.

Во неделата, тој на социјалните мрежи напиша:

„Значи, фактот дека Министерството за одбрана добива бесплатен авион 747 што привремено ќе го замени 40-годишниот Air Force One, во многу јавна и транспарентна трансакција, толку многу ги вознемирува корумпираните демократи што инсистираат ние да платиме, со највисока цена, за авионот. Демократите се губитници од светска класа!!!“.

Демократите и многу експерти велат дека е неетички и веројатно неуставно да се прифати таков подарок.

„Не е само поткуп, туку е и врвно странско влијание…“ напиша лидерот на демократите во Сенатот, Чак Шумер, на социјалните мрежи.

Каролин Ливит, портпаролка на Белата куќа, изјави дека секој подарок од странски влади секогаш е прифатен во целосна согласност со сите важечки закони и дека администрацијата на Трамп е посветена на целосна транспарентност.

Портпаролот на Катар, Али Ал-Ансари, сепак изјави дека евентуалното донирање на авионот сè уште се разгледува и дека не е донесена никаква одлука.

Трамп оваа недела патува на турнеја низ арапските земји, што ќе вклучува и посети на Катар.

Најнови вести од: Свет

Русија и Кина бараат одложување: Санкции против Иран неизбежни

Советот за безбедност на Обединетите нации (СБ на ОН) денеска ќе гласа за нацрт-резолуција за иранското нуклеарно прашање, пред истекот на рокот за „snapback“ (повторно воведување) на санкциите против Техеран на 27 септември.

Предлог Тони Блер да ја предводи преодната влада во Газа

Експремиерот, кој ја предводеше Велика Британија во војната во Ирак во 2003 година, учествува во разговори на високо ниво со сите страни за да се стави крај на војната и да се планира иднината на палестинските територии по конфликтот.

Најнови вести

To top