Лидерот на Северна Кореја, Ким Џонг-ун, денеска отпатува со воз за Пекинг, каде што ќе присуствува на кинеската воена парада. Ова е првпат Ким да учествува на голем мултилатерален дипломатски настан.
Се очекува Ким да пристигне во Пекинг утре, а на 3 септември да присуствува на воената парада, организирана во чест на формалното предавање на Јапонија во Втората светска војна.
За време на престојот во Пекинг, се предвидува Ким да оствари средби со кинескиот претседател Си Џинпинг, како и со рускиот претседател Владимир Путин, кој исто така ќе биде присутен на парадата.
Поразот на империјална Јапонија во 1945 година и доаѓањето на комунистите на власт во Кина во 1949 година беа пресвртни моменти што доведоа до Корејската војна (1950-1953). Оваа војна резултираше со поделба на Корејскиот Полуостров на комунистички север, поддржан од Кина, и капиталистички југ, поддржан од Соединетите Американски Држави.