„На почетокот на јануари, во Париз ќе ги собереме земјите од ‘Коалицијата на волните“ за конечно да го утврдиме конкретниот придонес на секоја од нив“ објава на ‘Х’ од францускиот претседател Емануел Макрон, објави Би-Би-Си.
Водечката улога во „Коалицијата на волјата“ ја играат Велика Британија и Франција.
Овие земји се стремат кон прекин на огнот и гаранции за безбедноста на Украина, од кои дел би можел да биде воен контингент стациониран на територијата на Украина, далеку од фронтот.
Русија постојано изјавува дека ваквите услови се неприфатливи за неа.
„Се движиме кон безбедносни гаранции кои ќе заземат централно место во изградбата на праведен и траен мир“, додаде Макрон.
Во неделата вечерта, Макрон учествуваше заедно со други европски лидери на видеоконференција со Володимир Зеленски и Доналд Трамп по нивните билатерални разговори во Мар-а-Лаго.