„Во јуни 2021 година, почувствував дека Путин повеќе не го сфаќа сериозно Минскиот договор и затоа сакав нов формат, тогаш заедно со претседателот Макрон, каде што ќе разговараме директно со Путин како Европска Унија“, рече pоранешната германска канцеларка Ангела Меркел во нтервју за унгарскиот медиум „Партизан“.
За конфликтот во Украина таа рече дека наишла на отпор.
„Некои луѓе не го поддржаа. Тоа беа првенствено балтичките држави, но и Полска беше против него. Овие четири земји се плашеа дека нема да имаме заедничка политика кон Русија“, рече таа.
„Во секој случај, новиот формат не се материјализираше. Јас ја напуштив функцијата, а потоа започна агресијата на Путин“, додаде таа. Во интервјуто, Ангела Меркел постојано нагласуваше колку е важно, според неа, да се одржува дијалогот, дури и меѓу спротивставените табори.
Таа, исто така, постојано нагласуваше дека избувнувањето на пандемијата на коронавирусот предизвика прекин на многу комуникациски канали и затегнати меѓународни односи. Видеоконференциите, рече политичарот, не се замена за разговорите лице в лице.
„Дали Путин ќе ја нападнеше Украина ако не се случеше пандемијата на коронавирус? Никој не може да каже. Коронавирусот ја промени светската политика затоа што повеќе не можевме да се среќаваме“, тврдеше таа. Таа истакна дека самиот Путин не учествувал на самитот на Г20 во 2021 година „од страв од пандемијата на коронавирус“.
„Ако не можете да се среќавате и да ги решавате разликите во мислењата, тогаш повеќе не можете да најдете нови компромиси. Видеоконференциите не се доволни во таква ситуација“, смета Меркел, која беше канцелар од ноември 2005 до декември 2021 година.