Најмалку 60 лица загинаа во пожар во хипермаркет во градот Ал-Кут, на истокот на Ирак, додека 11 лица се водат како исчезнати, соопштија локалните здравствени власти.
„Идентификувавме 59 тела, а едно тело има толку многу изгореници што не е можно да се идентификува. Сè уште има многу тела под урнатините“, изјави градскиот службеник Али ал-Мајахи за Ројтерс.
Причината за избувнувањето на пожарот сè уште не е позната, но гувернерот на покраината Васит, во која се наоѓа градот Ал-Кут, изјави дека прелиминарните резултати од истрагата ќе бидат објавени во рок од 48 часа.
„Покренавме тужби против сопствениците на зградата и трговскиот центар“, изјави гувернерот на покраината Васит.