Свет

Нападнат клучен нафтен терминал во Русија (ВИДЕО)

Синоќа голем пожар зафати постројка за извоз на нафта во Ростов на Дон по масовен напад со беспилотно летало, пишува Киев Индипендент

Само неколку часа откако Доналд Трамп триумфално објави дека се договорил со Владимир Путин за увоз на милиони тони руски дизел, а Володимир Зеленски рече дека „мирот никогаш не се постигнува преку слабост“, беше нападнат клучен нафтен терминал во Русија.

Трамп се договори со Путин: Русија веднаш ќе „пушти“ дизел за САД и за глобалниот пазар!

Синоќа голем пожар зафати постројка за извоз на нафта во Ростов на Дон по масовен напад со беспилотно летало, пишува Киев Индипендент.

Тоа е стратешки објект кој служи за претовар на нафтени деривати за извоз, вклучително и пратки од блиската рафинерија Новошахтинск.

Објавените видеа покажуваат огромен пламен и густ црн чад како извира од индустрискиот комплекс, а локални извори велат дека пожарот беснеел со часови.

Регионалните руски власти го потврдија пожарот и работата на противвоздушната одбрана, но избегнаа директно да ја признаат штетата на терминалот, додека украинската војска официјално не ја презеде одговорноста.

Според официјалните податоци на рафинеријата, терминалот во Ростов на Дон има годишен капацитет за прифаќање и испорака на дури 3,5 милиони тони нафтени деривати – токму оние што Русија ги пласира на странските пазари.

Овој удар има јасна политичка и стратешка тежина бидејќи доаѓа веднаш откако Трамп најави драстичен пресврт во американската надворешна политика и де факто ја прекина енергетската блокада на Москва.

 

Најнови вести од: Свет

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Трамп: Путин по грешка испрати „неколку мали ракети“ во Полска

Трамп изјави дека „не може ништо да стори“ во врска со фактот што полскиот премиер Доналд Туск неодамна јавно изрази револт поради пријателскиот однос на американскиот претседател кон рускиот претседател

To top