Свет

Сто земји се противат на употребата „роботи-убијци“

Големите воени сили, вклучувајќи ги САД, Русија и Израел, се спротивставија на воведување ограничила употребата на оружје способно да функционира без директна човечка контрола

Преговорите во Обединетите нации за регулирање на автономното оружје – кое може да функционира со минимален човечки надзор или целосно без него – завршија вчера со договор за продолжување на разговорите.

Застапниците за построга регулатива бараат меѓународен договор со кој би се ограничила употребата на системи способни самостојно да идентификуваат и напаѓаат цели.

Ваквото оружје често се нарекува „роботи-убијци“, бидејќи може да донесува одлуки за напад без директна човечка контрола.

Околу 100 земји го поддржаа повикот за итно усвојување на правно обврзувачки правила.

Сепак, големите воени сили, вклучувајќи ги САД, Русија и Израел, се спротивставија на ваквиот пристап.

Поради противењето од страна на големите воени сили, преговарачите прифатија значително „разводнет“ договор.

Разговорите во Женева траеја до раните утрински часови, завршувајќи по 4:00 часот наутро. И покрај несогласувањата, учесниците ја оставија вратата отворена за усвојување на правно обврзувачки протокол во текот на понатамошните преговори.

Претставници од 128 држави, членки на Конвенцијата за одредени конвенционални оружја, од понеделникот се состануваат во Женева.

Тие разговараа за тоа како да се ограничи развојот и употребата на оружје способно да функционира без директна човечка контрола.

Преговорите се одвиваа во услови на растечка загриженост во врска со употребата на автономни системи за оружје во воени конфликти. Посебно беа споменати конфликтите во Украина, Судан и на Блискиот Исток, каде што сè почесто се распоредуваат напредни системи за лоцирање и напаѓање цели.

Генералниот секретар на ОН, Папата и Меѓународниот комитет на Црвениот крст повикаа на воспоставување цврсти, правно обврзувачки меѓународни правила, пренесува Ројтерс. Тие сметаат дека е неопходно да се ограничи употребата на оружје што е способно самостојно да донесува одлуки за изведување напади.

Најнови вести од: Свет

Трамп: Путин по грешка испрати „неколку мали ракети“ во Полска

Трамп изјави дека „не може ништо да стори“ во врска со фактот што полскиот премиер Доналд Туск неодамна јавно изрази револт поради пријателскиот однос на американскиот претседател кон рускиот претседател

Јапонската премиерка со вештачки зглоб се соочи со скала од 40 сантиметри кога слета во Кина на самитот на АПЕК

Јапонската премиерка Санaе Такаичи која има проблеми со нозете се соочи со необично ниски скали при слегување од авионот во Кина, според корејски медиуми

To top