Израелскиот премиер Бенјамин Нетанјаху најави дека Израел ќе го контролира целиот Појас Газа и ќе ја спречи милитантната исламистичка група Хамас да ја ограбува помошта, пренесе Ројтерс.
Тој рече дека неговата влада мора да избегне глад во палестинската енклава бидејќи Израел ќе ја изгуби дипломатската поддршка од своите „најголеми пријатели во светот“.
Нетанјаху нагласи дека одлуката е донесена „за да се постигне победа“ и дека износот на помошта ќе биде „минимален“.
Вчера тој објави дека Израел ќе пушти „основно количество храна“ во Газа по неколку недели блокирање на хуманитарната помош, но не прецизираше кога ќе се отвори границата.
ОН предупреди дека „без итна акција, речиси една четвртина од населението би можело да умре од глад“.
Израел ја продолжува воената операција во Газа, при што во воздушните напади во текот на ноќта загинаа најмалку 20 Палестинци.