Свет

Во Австрија уапсен приврзаник на Исламска држава со потекло од Македонија

Според првичните информации, тој пребарувал на интернет како се прават експлозивни направи

 

18-годишник со потекло од Македонија е уапсен во австрискиот регион Штаерска, во градот Леобен, поради планирање на терористички напад, објавија австриските медиуми. 

Тој, според првичните информации, пребарувал на интернет како се прават експлозивни направи и правел планови како да нападне институции.

Полицијата соопшти дека уапсеното лице е приврзаник на терористичката организација Исламска Држава (ИД) и дека неговите планови биле сериозни.

По добивање на информации јавен обвинител наредил итно апсење на 18-годишникот, по што било утврдено каде тој се наоѓа.

Полицијата го уапсила во неделата, во близина на неговата куќа, веднаш по неговото враќање од патување во Македонија каде што бил заедно со своето семејство.

Тој негирал оти имал интенција да изврши напади, а според информациите, младиот Австриец со македонско потекло и бил познат на полицијата од претходно.

Минатата година, 19-годишен Австриец со потекло од Македонија беше уапсен оти планирал терористички напади за време на концертот на светската музичка ѕвезда Тејлор Свифт.

Најнови вести од: Свет

Русија и Кина бараат одложување: Санкции против Иран неизбежни

Советот за безбедност на Обединетите нации (СБ на ОН) денеска ќе гласа за нацрт-резолуција за иранското нуклеарно прашање, пред истекот на рокот за „snapback“ (повторно воведување) на санкциите против Техеран на 27 септември.

Предлог Тони Блер да ја предводи преодната влада во Газа

Експремиерот, кој ја предводеше Велика Британија во војната во Ирак во 2003 година, учествува во разговори на високо ниво со сите страни за да се стави крај на војната и да се планира иднината на палестинските територии по конфликтот.

To top