Претседателот на САД, Доналд Трамп, објави дека ги прекинува сите трговски разговори со Канада откако телевизиска реклама во која покојниот поранешен претседател Роналд Реган ги критикуваше царините за увезена стока ја нарече „измамничка“, објави Ројтерс.
„Поради нивното исклучително неприфатливо однесување, СИТЕ ТРГОВСКИ ПРЕГОВОРИ СО КАНАДА СЕ ПРЕКИНАТИ“, напиша Трамп на платформата Truth Social.
Рекламата, која се емитуваше во Онтарио, прикажува (некогашен) архивиран говор на Реган во кој тој предупредува дека царините водат до губење на работни места и трговски војни. Според премиерот на Онтарио, Даг Форд, токму оваа порака го привлече вниманието на американскиот претседател:
„Слушнав дека претседателот ја видел нашата реклама. Сигурен сум дека не бил многу задоволен“, рече Форд претходно оваа недела.
Одлуката на Трамп доаѓа во услови на тензии во билатералните економски односи.
Трамп долго време ги користи царините како алатка за притисок врз меѓународната трговија, а неговата сегашна трговска политика веќе доведе до највисоки нивоа на американски увозни царини во последните 30 години.
Следната година, САД, Канада и Мексико треба повторно да преговараат за Северноамериканскиот договор за слободна трговија (USMCA), што дополнително ќе го зголеми значењето на овој нов конфликт меѓу Вашингтон и Отава.