Израелската војска соопшти дека отворила оган денеска за да отстрани закана од осомничени лица кои им се приближиле на нејзините сили во северниот дел на Појасот Газа.
Здравствените власти во енклавата соопштија дека најмалку шест Палестинци биле убиени од израелски оган, јави Ројтерс.
Војската соопшти дека осомничените ја преминале границата за почетно израелско повлекување според планот за прекин на огнот постигнат со посредство на САД, што претставува кршење на договорот..
Во понеделникот, Хамас ги ослободи последните живи израелски заложници од Газа, а Израел испрати дома автобуси полни со палестински притвореници според договорот за прекин на огнот, додека американскиот претседател Доналд Трамп прогласи крај на двегодишната војна што го потресе поширокиот Блиски Исток.