Рекордно ниско рамниште достигна бројот на пензионери во Германија, кои зависат од социјална помош, поради нивните ниски пензии, соопшти германскиот Сојузен завод за статистика. Според податоците од крајот на септември 2025 година, 755.300 пензионери во Германија ја примиле таканаречената „основна поддршка“, вид социјална помош наменета за пензионери, чии приходи не можат да ги покријат трошоците за живот.
Прагот за добивање на поддршката е 1.062 евра месечно, но се пресметува индивидуално во зависност од реалните трошоци за живот и сојузната покраина. Во споредба со истиот период минатата година, бројот на пензионери, кои примаат дополнителна државна финансиска помош, е зголемен за 25 илјади. Меѓу нив жените се застапени над просекот (57 отсто).
Една од главните причини за зголемувањето на трошоците за живот е зголемувањето на кириите, кои се зголемија повеќе од двојно во последните десет години во поголемите градови, како што е Берлин.