„Сите елементи на злосторство против човештвото се присутни“, рече судијата Голам Мортуза Мозумдер, додавајќи: „Одлучивме да изречеме само една казна: смртна казна“.
Обвинетата, кој живее во егзил во Индија и постојано ги негира обвиненијата, беше прогласена за виновна на крајот од судењето по неколку точки од обвинението за злосторства против човештвото, вклучително и поттикнување и нарачување на убиството, според пресудата.
Во земја која веќе е под интензивна политичка тензија и е фокусирана на парламентарните избори закажани за три месеци, одлуката на судот беше со нетрпение очекувана.
Полицијата во главниот град е ставена во состојба на висока готовност и распоредена во голем број за да спроведе строги проверки околу судницата и на сите клучни локации во градот, објавува АФП.
Обвинител минатиот месец побара Хасина да биде осудена на смрт. „За едно убиство, смртната казна е стандардна. За 1.400 убиства, таа ја заслужува 1.400 пати. Таа е закоравен криминалец и не покажала никакво каење за својата бруталност“, им рече тој на судиите.
Во јули и август 2024 година, антивладините протести што ја принудија да ја напушти земјата по 15 години на власт резултираа со најмалку 1.400 смртни случаи, според ОН, од кои повеќето цивили.