Свет

Снежна бура на Монт Еверест: 1.000 луѓе заробени во Тибет(ФОТО)

Околу 1.000 луѓе се заробени во базните логори на источната, тибетска страна на Монт Еверест

1 минута за читање
AFP/Tsering Pemba Sherpa

Околу 1.000 луѓе се заробени во базните логори на источната, тибетска страна на Монт Еверест поради силна снежна бура што ги направи патиштата непроодни, а спасувачките операции се во тек за нивно извлекување.

Кинеските медиуми известуваат дека стотици локални жители и екипи работат на отстранување на снегот на над 4.900 метри надморска висина, а некои патници веќе се префрлени од планината. Снежните наноси започнаа во петокот и продолжија вчера, што доведе до стопирање на дистрибуцијата на карти и влезот во туристичката зона Еверест, според Туристичката компанија на округот Тингри.

https://x.com/JordyHalo80/status/1974838723301810262

Од спротивната страна, во Непал, обилните дождови предизвикаа свлечишта и поплави што ги затворија патиштата, срушија мостови и однесоа најмалку 47 животи, дополнително комплицирајќи го пристапот до планината.

Поврзани теми:

снежна бура|непроодни патишта|Монт Еверест|Тибет

Најнови вести од: Свет

Ескалира ситуацијата во Иран: убиени најмалку 50 демонстранти и 15 припадници на безбедносните сили биле убиени, а околу 2.300 се уапсени

Во саботата американскиот претседател Доналд Трамп, кој последните денови постојано се закануваше со воен напад врз Иран, објави на социјалните мрежи: „Иран сака слобода, можеби како никогаш досега. САД се подготвени да помогнат!“

Илјадници пожарникари во Австралија се борат со најлошите шумски пожари по „Црното лето“ од 2019-2020 година

Во Австралија повеќе од 130 објекти, вклучувајќи куќи, се уништени, а околу 38.000 домови и бизниси останаа без електрична енергија од пожарите, соопштија властите, додавајќи дека ова се најлошите пожари во државата од таканареченото „Црно лето“ од 2019-2020 година, кога шумските пожари уништија област со големина на Турција и убија 33 Австралијанци.

Челникот на швајцарскиот кантон гневен, поради изостанувањето инспекции во барот, во кој загинаа 40 луѓе

Челникот на швајцарскиот кантон каде што 40 млади луѓе загинаа во пожар во бар на новогодишната ноќ го изрази својот гнев поради тоа што локалните власти речиси шест години не извршиле никаков увид во објектот во кој се одигра трагедијата, додека обвинителите ги засилуваат своите напори да ги повикаат одговорните на одговорност. 

„Политико“: „Патриотите за Европа“ се закануваат дека ќе ги кренат во воздух ЕК и Лаен, но ќе им пропадне обидот да им изгласаат недоверба!

Претседателот на групата „Патриоти за Европа“ во Европскиот парламент лидерот на партијата Национално собирање на Франција Џордан Бардела го објави планот за предлог за изгласување недоверба на Урсула Лаен во четврток вечерта на општествената платформа икс. Неговата партија Националното собрание на Франција, се спротивставува на трговскиот договор меѓу ЕУ и јужноамериканскиот блок Меркосур, за кој се залагаше фон дер Лаен. Квалификувано мнозинство од земјите-членки на ЕУ во петокот го одобрија долгоочекуваниот трговски договор, на кој се спротивстави Франција. „Се надевам дека ќе го поднесеме [предлогот за недоверба] на гласање оваа јануарска седница.“ – изјави за „Политико“ висок функционер на групата „Патриоти за Европа“.

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.
Сите вести од Свет

Најнови вести

To top