Свет

Снимен моментот кога Трамп дознава дека е постигнат договор за мир во Газа(ВИДЕО)

Американскиот претседател Доналд Трамп ненадејно ја прекинал прес-конференцијата во Белата куќа откако државниот секретар Марко Рубио му предал документ со рачно испишана белешка

Американскиот претседател Доналд Трамп ненадејно ја прекинал прес-конференцијата во Белата куќа откако државниот секретар Марко Рубио му предал документ со рачно испишана белешка. Трамп кимна додека ја прегледуваше пораката, по што Рубио му шепнал нешто на уво, а претседателот одговорил со кратко „Добро“. Обрнувајќи се кон новинарите, Трамп објаснил: „Државниот секретар штотуку ми ја предаде веста дека сме на прагот од договор за Блискиот Исток и дека наскоро ќе ми требаат за финалните чекори“.

Фотографиите од официјалните фотографи на настанот откриваат дека пораката содржи фраза „многу блиску“ за договорот, со тие зборови подвлечени за акцент, заедно со барање Трамп да го одобри објавувањето на неговата платформа Truth Social. „Треба брзо да го потврдите објавувањето на Truth Social за да бидете првите што ќе го соопштите договорот“, стои во белешката упатена до претседателот.

Преговорите за запирање на огнот во Египет се во завршна етапа. Извори блиски до дискусиите во Шарм ел Шеик проценуваат дека спогодбата би можела да се финализира во наредните 24 до 36 часа, доколку темпото се задржи. По потпишувањето, би следувала имплементација на примирјето и размена на заложници. Имаше гласини за можно соопштение уште вечерва, но спорот околу финалниот список на палестински затвореници што треба да се ослободат сè уште предизвикува контроверзии. Оптимизам дојде и од турскиот министер за надворешни работи, кој изјави дека е постигнат суштински прогрес.

Во преговорите учествуваат Хамас, Израел и посредници од САД, Катар и Египет. Трамп, во својата изјава, ја потврди блискоста на договорот и најави потенцијално патување на Блискиот Исток до крајот на неделата, додавајќи дека финалните разговори со Хамас одат „извонредно добро“.

https://x.com/SkyNews/status/1976032925100503186

Најнови вести од: Свет

Уапсени осомничени за кражбата во „Лувр“ – делумно признале вина

Двајца осомничени уапсени за спектакуларната кражба на накит во музејот Лувр „делумно“ ја признаа својата вмешаност, потврди париската обвинителка Лаура Бекуо. Четворица крадци украле девет парчиња накит на 19 октомври, додека светски познатиот музеј бил отворен за посетители. Еден од предметите паднал и бил пронајден на местото на настанот. Бекуо додаде дека украдениот накит сè уште не е пронајден.

To top