Свет

Социјалистите на Еди Рама победници на изборите во Албанија

Социјалистичката партија на Албанија, предводена од премиерот Еди Рама, е во убедливо водство на парламентарните избори одржани вчера, покажуваат најновите податоци објавени од Централната изборна комисија (ЦИК), пренесува 4 NEWS. До утрово се пребројани 1.083 гласачки кутии од вкупно 5.225, а социјалистите,  имаат освоено 53,26% од гласовите. Првичната распределба на мандати укажува дека Социјалистичката партија […]

Социјалистичката партија на Албанија, предводена од премиерот Еди Рама, е во убедливо водство на парламентарните избори одржани вчера, покажуваат најновите податоци објавени од Централната изборна комисија (ЦИК), пренесува 4 NEWS.

До утрово се пребројани 1.083 гласачки кутии од вкупно 5.225, а социјалистите,  имаат освоено 53,26% од гласовите.

Првичната распределба на мандати укажува дека Социјалистичката партија освоила 82 пратенички места, со убедливо водство во изборните единици Тирана, Фиер, Драч и Елбасан.

Премиерот Рама се огласи на социјалните мрежи рано изутрина, објавувајќи фотографија од розовото партиско седиште со симболичната порака: „Каква зора е денес“, придружена со бројот 5 – изборниот број на партијата.

Од друга страна, коалицијата предводена од Демократската партија (ДП) освои 50 мандати, што е за 13 помалку од претходните избори.

Лидерот на ДП, Сали Бериша, на прес-конференција нешто пред полноќ, не прецизираше дали ќе го признае изборниот резултат, тврдејќи дека „силеџиите од Драч“ се обидуваат да го фалсификуваат исходот.

Првично објавените излезни анкети наговестија изборен триумф на актуелниот премиер и лидер на Социјалистичката партија, Еди Рама.

„Социјалистите  освоија 51,8 проценти од гласовите на денешните парламентарни избори во земјата, покажуваат податоците од излезните анкети објавени од „Албениан пост“, објави Топ чанел.

Ова ѝ обезбедува на партијата 79 мандати во парламентот со 140 пратеници.

Најнови вести од: Свет

Ким Јонг Ун со воз се упати кон Пекинг за да присуствува на воената парада

Лидерот на Северна Кореја, Ким Џонг-ун, денеска отпатува со воз за Пекинг, каде што ќе присуствува на кинеската воена парада. Ова е првпат Ким да учествува на голем мултилатерален дипломатски настан.

Русите сакале да го соборат авионот на Урсула фон дер Лајен, успеале само да го блокираат GPS системот

Портпаролот на Европската Унија денеска потврди дека Глобалниот систем за позиционирање (GPS) на авионот на претседателката на Европската комисија, Урсула фон дер Лајен, бил блокиран за време на нејзиното патување во Бугарија во неделата, но авионот безбедно слетал.

Путин: „Разбирањето“ со Трамп отвора пат кон мир

Рускиот претседател Владимир Путин денеска изјави дека „разбирањето“ постигнато со американскиот претседател Доналд Трамп на нивната средба во август во Алјаска создава можности за решавање на конфликтот во Украина.

To top