Американскиот претседател Доналд Трамп ја доби наградата „Израел“ – највисоко одликување на земјата – за време на годишната церемонија на Денот на независноста во Ерусалим, објави „Тајмс оф Израел“.
Во декември, министерот за образование Јоав Киш го извести Трамп дека ќе му биде доделена баградата „Израел“ во категоријата „посебни заслуги за еврејскиот народ“.
Киш вчера потпиша сертификат за израелската награда во чест на американскиот претседател, велејќи во видеото испратено до печатот дека не мисли дека „во моментов постои некоја друга личност која може да се пофали со такви неверојатни достигнувања и прекрасен однос со еврејскиот народ освен Трамп“.
За време на церемонијата, беше емитуван клип во кој се истакнуваат про-израелските дејства на Трамп за време на неговите два претседателски мандати, вклучително и снимки од објавувањето на Абрахамскиот договор во 2020 година, неговиот говор во Кнесетот минатиот октомври и неговите бројни средби со премиерот Бенјамин Нетанјаху во изминатата деценија.
Се очекува претседателот Трамп да го посети Израел во наредните месеци, кога наградата ќе му биде официјално врачена на церемонија.