На објавената фотографија претседателот е прикажан со сериозен израз, потпрен на работната маса, додека во заднина се гледа текстот на Декларацијата за независност. На втората страница е претставена слика од потпишувањето на Декларацијата за независност во 1776 година, со натпис „USA 250“. Белата куќа ја објави фотографијата, нарекувајќи го документот „патриотски пасош“, додека Стејт департментот засега не се огласува.
Досега ниеден американски претседател, додека бил на таа функција, не бил прикажан на американски пасош. Ова е најнов во серијата потези со кои ликот на Трамп се појавува на државни симболи и институции, што неговите критичари го оценуваат како поттикнување култ на личноста.
Според најавите, потписот на Трамп ќе се најде и на идните американски банкноти, што исто така претставува преседан за актуелен претседател.