Американскиот претседател Доналд Трамп во објава на неговата социјална мрежа Трут соушл побара покренување обвинение за милијардерот Џорџ Сорос и неговиот син Александар, не бирајќи зборови за нив и за нивните поддржувачи вклучени во насилните протести низ САД во 2020 година.
„Џорџ Сорос и неговиот прекрасен син од радикалната левица треба да бидат обвинети за РИКО (федерален закон за борба со организираниот криминал – н.з.) поради нивната поддршка на насилните протести и многу повеќе, низ целите Соединети Американски Држави. Нема повеќе да дозволиме овие лудаци да ја распарчуваат Америка, никогаш не давајќи ѝ шанса да „ДИШЕ“ и да биде СЛОБОДНА. Сорос и неговата група психопати предизвикаа голема штета на нашата земја! Тоа ги вклучува и неговите луди пријатели од Западниот Брег. Бидете внимателни, ве гледаме! Ви благодариме за вашето внимание по ова прашање!“, објави Трамп.