Свет

Трамп со закана кон Иран: Ако за 48 часа не го отворите Ормутскиот теснец, ќе ви ги уништиме електраните

Претседателот Доналд Трамп се закани дека ќе ги нападне иранските електрани ако државата брзо не го отвори Ормускиот Теснец за комерцијален бродски сообраќај. Преминот на танкерите со нафта и гас беше парализиран пред три недели.

Доналд Трамп му постави ултиматум на Иран и се закани дека ќе ги уништи неговите електрани ако во рок од 48 часа не го отвори Ормускиот Теснец, што претставува значајна ескалација ден откако кажа дека САД планираат намалување на воените операции.

  • „Доколку Иран не го отвори целосно, без закана, Ормускиот Теснец во рок од 48 часа од овој момент, САД ќе ги нападнат и ќе ги уништат нивните електрани, почнувајќи прво од најголемата!“, напиша Трамп на социјалните мрежи еден час по полноќ по средноевропско време.

Ако Трамп ги оствари своите закани, американските напади ќе се прошират на инфраструктурата која влијае врз секојдневните животи на Иранците.

Ормускиот Теснец, низ кој минува една петина од светската нафта, е затворен за најголемиот број бродови од почетокот на американско-израелските напади врз Иран пред три недели. Трамп побара помош од други држави во неговото обезбедување, но тоа остана без конкретен одговор. Блокадата на 50 километри широкиот премин и нападите врз бродовите доведоа до пораст на глобалните цени на нафтата и гасот.

Штабот на иранската воена команда Хатам ал-Анбија соопшти дека доколку САД ја нападне иранската енергетска инфраструктура, Иран ќе возвраати со напади врз американските постројки за енергетика, информатичка технологија и десалинизација во регионот.

Трамп и порано овој месец ја покрена идејата за уништување на електричната мрежа на Иран.

  • „Можеме да го растуриме нивниот електричен капацитет во рок од еден час, а ќе им требаат 25 години за да го обноват. Но, нема да го правиме тоа“, рече Трамп.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top