Неговото лобирање веројатно ќе биде и контрапродуктивно. Комитетот за доделување награди претпочита да работи независно, изјави еден од неговите членови за Ројтерс.
Наместо тоа, петчленото тело можеби ќе сака да истакне хуманитарна организација која работи во средина која стана попредизвикувачка делумно поради намалувањето на помошта на САД од страна на Трамп.
Објавата за лауреатот е на 10 октомври.
Ова би можело да значи награда за агенцијата на ОН за бегалци, УНХЦР, агенцијата на ОН за деца, УНИЦЕФ, Црвениот крст, Лекари без граници…
„Тој воопшто нема шанси да ја добие Наградата за мир“, рече Асле Свеен, историчар на наградата, наведувајќи ја поддршката на Трамп за Израел во војната во Газа и неговите обиди за зближување со рускиот претседател Владимир Путин, меѓу причините.
Тестаментот на Алфред Нобел, фондацијата на наградата, вели дека наградата треба да му се додели на лицето „кое направило најмногу или најдобро за унапредување на заедништвото меѓу народите“.
Тоа е нешто што Трамп не го прави, според Нина Грегер, директорка на Институтот за истражување на мирот во Осло.
„Тој ги повлече САД од Светската здравствена организација и од Парискиот договор за климата, тој започна трговска војна против старите пријатели и сојузници“, изјави таа за Ројтерс.
„Тоа не е баш она за што размислуваме кога размислуваме за мирољубив претседател или некој што навистина е заинтересиран за промовирање на мирот“.
Секако, многу „изненадувачки“ кандидати ја освоија Нобеловата награда за мир во минатото – Барак Обама помалку од осум месеци откако стана претседател на САД или советник за национална безбедност на САД, Хенри Кисинџер, на екот на Виетнамската војна.
Доколку Трамп може да изврши притисок врз Путин да ја заврши војната во Украина или врз израелскиот лидер Бенјамин Нетанјаху да ја запре војната во Газа, тој би можел да се дискутира како можен кандидат, рече Грегер.
Многумина лобираа(т) за да ја добијат Нобеловата награда за мир, но никој не го направил тоа поинтензивно од Трамп. Тој постојано ја користи својата платформа како претседател на САД за да тврди дека треба да ја освои наградата, вклучително и кога се обрати пред Генералното собрание на ОН во вторник.
Но, лобирањето е генерално контрапродуктивно, според заменик-претседателот на сегашниот Норвешки Нобелов комитет.
„Овие типови кампањи за влијание имаат прилично понегативен отколку позитивен ефект. Бидејќи ние зборуваме за тоа во комитетот. Некои кандидати навистина силно се залагаат за тоа, а нам не ни се допаѓа“, рече Асле Тоје.
„Навикнати сме да работиме во заклучена просторија без обид да бидеме под влијание. Доволно е тешко да се постигне договор меѓу себе, без повеќе луѓе да се обидуваат да влијаат врз нас“, додаде тој со насмевка.
За сегашниот лидер на комитетот, вниманието не влијае на работата.
„Сите политичари сакаат да ја освојат Нобеловата награда за мир“, изјави Јерген Ватне Фриднес за Ројтерс.
„Се надеваме дека идеалите поткрепени со Нобеловата награда за мир се нешто кон што треба да се стремат сите политички лидери…