Вооружен човек уби четири лица, вклучувајќи и еден полицаец во во Менхетен, пред да се самоубие. Пукањето се случило за време на шпицот во понеделникот навечер во облакодер на Парк Авенија, јави Си-Ен-Ен.
Меѓу убиените е и полициски службеник од Њујорк.
Според полицијата, напаѓачот, Шејн Девон Тамура (27) кој имал јапонско потекло, отпатувал во Њујорк од Лас Вега каде штп живеел.
По пукотницата, тој бил пронајден мртов со она што властите го нарекуваат „самонанесена прострелна рана“. Дополнителна муниција била пронајдена во неговиот автомобил.
Тамура го паркирал своето БМВ пред зградата и влегол во канцелариската зграда со пушка М4 во рака. Штом влегол во лобито, отворил оган врз полицаец од њујоршката полиција кој работел како обезбедување во зградата.
„Њујорк пост“, повикувајќи се на полициски извори, објави дека вооружениот човек облечен во панцир и вооружен со пушка АР-15 отворил оган во облакодерот на Парк Авенija убивајќи пет лица, вклучувајќи и еден полицаец, пред да г се самоубие.
Весникот објави дека уште шест лица се ранети.
Во еден момент за време на насилството, вооружениот човек се забарикадирал во канцеларија, веројатно на 32-риот кат од зградата, објави весникот.
Напаѓачот имал самоубиствена порака во задниот џеб во која се наведува дека страдал од CTE, мозочна болест поврзана со траума на главата.