Свет

Украински олигарх се бори за живот по атентат во Монако

Вадим Јермолаев, еден од најбогатите Украинци, како „ВИП бегалец“ престојувал во Монако од почетокот на војната во Украина

Силна експлозија одекна синоќа во Кнежеството Монако, при што беа повредени најмалку три лица, од кои две се во критична состојба.
Инцидентот се случил нешто пред 21 часот во станбена зграда.

Надлежните потврдија дека две лица се во животна опасност, додека третото е надвор од животна опасност.

Според информациите од истрагата, сите жртви се членови на исто украинско семејство. Родителите и двајцата на возраст од педесет години се во критична состојба, додека нивниот 13-годишен син е стабилен.

Еден од тешко повредените е украинскиот олигарх Вадим Јермолаев, кој како „ВИП бегалец“ престојува во Монако од почетокот на војната во Украина, изјави за „Фигаро“ извор близок до истрагата. Во моментот на експлозијата тој се враќал во зградата во која живеeл со сопругата и синот.

Вадим Jeрмолаев е олигарх од Днепар, основач на трговско-производната корпорација „Алеф“ и еден од најголемите градежни изведувачи во градот.

Тој редовно се појавуваше на листата на 100 најбогати луѓе во Украина според магазинот Форбс, но потоа се откажа од украинското државјанство во корист на неговиот кипарски пасош.

Во декември 2023 година, Володимир Зеленски наметна лични санкции против Jeрмолаев во период од 10 години. Според податоците на SBU, причина за тоа била активноста на неговиот бизнис со алкохол во анектираниот Крим, каде што неговите компании плаќале даноци во рускиот буџет, пишува „Украинска правда“.

Според француските медиуми, непознат маж фатен на видео надзор оставил ранец пред влезната врата од станбената зграда, а потоа побегнал. Експлозијата се случила додека семејството влегувалео во зградата.

Властите трагаат по бомбашот.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top