Свет

Унгарија може да остане без право на глас во ЕУ!?

Советот на Европската Унија ќе разговара за повлекувањето на правото на глас на Унгарија во ЕУ на 27 мај, според агендата на состанокот. Советот ќе разговара за можноста за примена на член 7 од Договорот за ЕУ ​​врз Унгарија, кој дозволува земјата да биде лишена од правото на глас во ЕУ доколку постои ризик од […]

1 минута за читање

Советот на Европската Унија ќе разговара за повлекувањето на правото на глас на Унгарија во ЕУ на 27 мај, според агендата на состанокот.

Советот ќе разговара за можноста за примена на член 7 од Договорот за ЕУ ​​врз Унгарија, кој дозволува земјата да биде лишена од правото на глас во ЕУ доколку постои ризик од сериозно кршење на вредностите врз кои е заснована ЕУ.

Постапката се покренува на барање на 1/3 од земјите-членки или на ЕК, а продолжува со поддршка од 4/5, но утврдувањето на постоење на сериозно и постојано кршење на вредностите мора да се направи едногласно.

Доколку се усвои оваа одлука, Советот може, со квалификувано мнозинство, да одлучи да суспендира одредени права.

Естонскиот министер за надворешни работи, Маргус Цахна, изјави дека на Унгарија треба да ѝ се одземе правото на глас во ЕУ. Според него, овој потег би спречил раскол во Европската Унија. Цачка, исто така, ја нарече Унгарија „слаба земја“ и рече дека таа „игра на тимот на Путин“.

Словачкиот премиер Фицо веќе изјави дека ќе блокира каква било одлука насочена против Унгарија.

Поврзани теми:

еу|Унгарија|глас|топ|актуелно

Повеќе на оваа тема:

Најнови вести од: Свет

Илјадници пожарникари во Австралија се борат со најлошите шумски пожари по „Црното лето“ од 2019-2020 година

Во Австралија повеќе од 130 објекти, вклучувајќи куќи, се уништени, а околу 38.000 домови и бизниси останаа без електрична енергија од пожарите, соопштија властите, додавајќи дека ова се најлошите пожари во државата од таканареченото „Црно лето“ од 2019-2020 година, кога шумските пожари уништија област со големина на Турција и убија 33 Австралијанци.

Челникот на швајцарскиот кантон гневен, поради изостанувањето инспекции во барот, во кој загинаа 40 луѓе

Челникот на швајцарскиот кантон каде што 40 млади луѓе загинаа во пожар во бар на новогодишната ноќ го изрази својот гнев поради тоа што локалните власти речиси шест години не извршиле никаков увид во објектот во кој се одигра трагедијата, додека обвинителите ги засилуваат своите напори да ги повикаат одговорните на одговорност. 

„Политико“: „Патриотите за Европа“ се закануваат дека ќе ги кренат во воздух ЕК и Лаен, но ќе им пропадне обидот да им изгласаат недоверба!

Претседателот на групата „Патриоти за Европа“ во Европскиот парламент лидерот на партијата Национално собирање на Франција Џордан Бардела го објави планот за предлог за изгласување недоверба на Урсула Лаен во четврток вечерта на општествената платформа икс. Неговата партија Националното собрание на Франција, се спротивставува на трговскиот договор меѓу ЕУ и јужноамериканскиот блок Меркосур, за кој се залагаше фон дер Лаен. Квалификувано мнозинство од земјите-членки на ЕУ во петокот го одобрија долгоочекуваниот трговски договор, на кој се спротивстави Франција. „Се надевам дека ќе го поднесеме [предлогот за недоверба] на гласање оваа јануарска седница.“ – изјави за „Политико“ висок функционер на групата „Патриоти за Европа“.

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.

Алис Вајдел, АФД: ЕУ и нејзината диктатура мора да бидат распуштени, Урсула Лаен не може да ја одредува судбината на Европа!

Алис Вајдел, претседателката на десничарската партија Алтернатива за Германија, им се обрати на граѓаните на Германија во видео-порака, во која го најави можното „излегување на Германија од Европската Унија“, ако оваа десничарска партија застане на кормилото на германската држава. Според анкетите спроведени од неколку истражувачки агенции од почетокот на јануари оваа година, германската партија AfD (Алтернатива за Германија) води со неколку процентни поени и е на врвот на германските партии, кои уживаат најголема доверба кај Германците.
Сите вести од Свет

Најнови вести

To top