Министерството за внатрешна безбедност на САД објави видео кое е долго повеќе од седум минути и го прикажува качувањето и запленувањето на танкерот M/T CENTURIES.
Супертанкерот за сурова нафта со панамско знаме, во кинеска сопственост, кој е под санкции на САД. Операцијата беше спроведена во меѓународните води на јужното Карипско Море, недалеку од брегот на Венецуела, од страна на Американската крајбрежна стража, поточно нејзиниот Тим за поморски специјални операции (MSRT), со поддршка од американската морнарица.
Претседателот на САД, Доналд Трамп, нареди „целосна блокада на сите санкционирани танкери за нафта што влегуваат и излегуваат од Венецуела“ во објава на неговата платформа Truth Social во среда.
Тој ја оправда одлуката тврдејќи дека јужноамериканската земја украла нафта, земјиште и други средства од САД, кои мора да ги врати.
Трамп го обвини режимот на венецуелскиот авторитарен лидер Николас Мадуро дека ја користи „нафтата од овие украдени нафтени полиња за финансирање на себе, наркотероризам, трговија со луѓе, убиства и киднапирања“.
На почетокот на 2000-тите, Венецуела ги национализираше нафтените полиња, што влијаеше на странските, а исто така и на американските компании. Ова доведе до спор околу исплатата на надоместокот. Во 2019 година, за време на неговиот прв мандат, Трамп воведе санкции врз државната нафтена компанија PDVSA.
Само неколку дена пред да биде објавена блокадата во средата, американската војска веќе ја презеде контролата врз танкер за нафта крај брегот на Венецуела.
Венецуелската влада го осуди запленувањето на друг брод што превезува нафта крај брегот на Јужна Америка од страна на САД, нарекувајќи го „сериозен чин на меѓународно пиратство“.
Венецуела „ја осуди кражбата и киднапирањето на приватен брод што превезува нафта, како и присилното задржување на екипажот од страна на членови на војската на Соединетите Американски Држави во меѓународни води“, се вели во соопштението.
Каракас објави дека ќе го информира Советот за безбедност на Обединетите нации, како и други мултилатерални организации и влади.
PREPARE TO BE BOARDED.
This morning @USCG in coordination with the @DeptofWar executed a lightning strike operation to seize the Motor Tanker Centuries, which is suspected of carrying oil subject to U.S. sanctions.
The iron fist of America’s joint military and federal law… pic.twitter.com/lcUVauqg2M
— Homeland Security (@DHSgov) December 20, 2025