Свет

(Видео): Полициска потера со лош крај – водителите шокирани од ужасот што го гледаа во живо

„О, Боже мој! О, не, о, не“, извикал шокираниот водител, додека некој друг му наредил на снимателот да го задржи широкиот кадар. Кога преносот во живо се префрлил во студиото, водителскиот пар останале со отворени усти од шок, откако штотуку биле сведоци – и покажале – на смртта на еден човек на телевизија во живо.

2 минути за читање

Тој починал на местото на настанот, пред камерите да можат да се префрлат на друг кадар. Хеликоптер на CBS од Лос Анџелес вчера снимал полициска потера по осомничен за грабеж во украдено бело комбе низ Кинеската четврт кога возачот влегол на автопатот 110 и набрзо застанал.

Возачот потоа излегол од прозорецот на комбето додека возилото сè уште се движело бавно напред, а потоа веднаш се обидел да скокне преку заштитната ограда што ги одделува двете ленти. Сепак, тој се сопнал и паднал во брзата лента – автомобил веднаш налетал на него и го удрил челно – додека камерата ја снимала целата сцена, во која било јасно дека другите автомобили не можеле да застанат.

„О, Боже мој! О, не, о, не“, извикал шокираниот водител, додека некој друг му наредил на снимателот да го задржи широкиот кадар.

Кога преносот во живо се префрлил во студиото, водителскиот пар останале со отворени усти од шок, откако штотуку биле сведоци – и покажале – на смртта на еден човек на телевизија во живо.

Според KTLA, човекот бил удрен од два автомобила.

Полицијата се обидела да преземе мерки за спасување додека чекала брза помош од Противпожарната служба на Лос Анџелес, според снимките од KTLA.

Но, додека пристигнала брзата помош, телото на осомничениот веќе било покриено со бел чаршаф среде автопатот.

Во комбето немало други луѓе, иако на местото на настанот била повикана контрола на животни за да извади куче од возилото. Не е јасно дали животното е повредено.

Сообраќајот бил затворен во двата правци шест часа додека истражителите го обработувале местото на настанот.

Предупредуваме дека видеото е вознемирувачко!

 

Поврзани теми:

топ|свет|несреќа|живо|водители|пренос|студио

Повеќе на оваа тема:

Најнови вести од: Свет

(Видео): Преговорите се во финална фаза, можен е брз крај на војната во Украина, рече Трамп

Во резиденцијата Мар-а-Лаго на Флорида започнаа разговорите меѓу американскиот претседател Доналд Трамп и украинскиот претседател Володимир Зеленски. Објавени беа и првите детали од салата за состаноци, според кои украинската делегација е сместена на една страна од масата, а американската делегација спроти нив. На состанокот присуствува и генералот Дан Кејн, претседател на Здружениот штаб и највисок воен функционер на САД.

Трамп разговараше по телефон со Путин пред средбата со Зеленски

Американскиот претседател Доналд Трамп соопшти дека имал, како што го опиша, „добар и многу продуктивен“ телефонски разговор со рускиот претседател Владимир Путин, непосредно пред закажаниот состанок со украинскиот претседател Володимир Зеленски на Флорида.

Лавров со порака до Европа: Русија нема да нападне никого, но ако биде нападната одговорот ќе биде разорен

Рускиот министер за надворешни работи Сергеј Лавров испрати порака до европските политичари, нагласувајќи дека одговорот на Русија на евентуален напад врз неа би бил разорен.
Сите вести од Свет

Најнови вести

To top