Делови од Турција беа зафатени снежни врнежи вчера додека остатокот од земјата беше преплавен од летната жега, а пожарникарите се бореа со шумски пожари, објави Њуз.бг повикувајќи се на АФП.
Температурите се намалија во неколку планински области во внатрешноста од Ризе, град на североисточниот брег на Црното Море во Турција, на околу 120 км (75 милји) од границата со Грузија.
Генџага Карафазлиоглу, локален новинар од Ризе, рече дека регионот, познат по своето бујно зеленило и обилни дождови, е навикнат на необичното време, но рече дека никогаш порано не видел снег во јули.
„Врне снег околу четири или пет часа. Имам 65 години, живеам во Ризе поголемиот дел од мојот живот и ова е прв пат да видам снег во јули“, изјави Карафазлиоглу за АФП.
Снежната покривка во североисточна Турција доаѓа додека пожарникарите се борат со серија пожари во западната покраина Измир, каде што се предвидува дека температурите ќе достигнат 40 степени Целзиусови во наредните денови.
Експертите велат дека климатските промени предизвикани од човекот доведуваат до почести и поинтензивни екстремни временски аномалии, од суши до топлотни бранови и врнеши од град.