Во Измир, Турција, утрово се случи вооружен напад врз полициска станица, во кој загинаа двајца полицајци, а двајца се ранети.
Инцидентот се случил во населбата Балкова околу 8:30 часот наутро, кога 16-годишниот ученик од трета година средно училиште, Ерен Бигул, дошол пред станицата Салих Ишгорен вооружен со пушка и отворил оган, според турскиот портал НТВ.
По пукањето, Бигул се обидел да избега, но бил совладан од граѓани. Прво бил погоден, а потоа еден минувач го удрил со стол, што помогнало да биде соборен.
Видео од апсењето брзо се прошири на социјалните мрежи.
Министерот за внатрешни работи Али Јерликаја потврди дека напаѓачот е приведен, а министерот за правда Јилмаз Тунч соопшти дека државното обвинителство во Измир започнало детална истрага.
Мотивот за нападот сè уште не е јасен, иако напаѓачот за време на нападот извикувал „Алах акбар“ (Господ е голем). Јавноста е шокирана што напаѓачот е малолетник кој го зел оружјето од својот дом
https://x.com/Fikirtepeli_83/status/1964978093740699804