Свет

Зеленски избира каде би се сретнал со Путин

Украинскиот претседател вели дека можни места за разговори со Русија би можеле да бидат Турција, како и земјите од Заливот или некоја европска земја

 

Во синоќешното обраќање, украинскит претседател рече дека оваа недела украинските претставници ќе контактираат со земјите што би можеле да бидат домаќини на украинско-руски разговори за прекин на војната, објави Би-Би-Си.

„Оваа недела ќе има контакти со Турција, ќе има контакти со земјите од Заливот, со земјите од Европа што можат да бидат места за разговори со Русите“, рече Зеленски.

„Од наша страна, сè ќе биде што е можно поподготвено за да се стави крај на војната. Важно е партнерите да го потврдат ова“, повтори тој.

По неодамнешната средба на Зеленски со Доналд Трамп во Вашингтон, шефот на Белата куќа објави дека следната фаза од мирното решавање на војната треба да биде лична средба меѓу претседателот на Украина и Владимир Путин.

После тоа, според Трамп, може да се одржи трилатерален состанок со негово учество, на кој страните би можеле да потпишат мировен договор.

За време на телефонскиот разговор со Трамп, Путин му понудил и на Зеленски да дојде во Москва, но украинскиот претседател одбил.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top