Свет

Зеленски: Русија ќе загуби 50 милијарди долари по санциите на нафтата

Извозот на нафта е основа на руската ароганција и ако санкциите се одржат и зајакнат, Русија ќе претрпи значителни загуби, вели украинскиот претседател

2 минути за читање

Русија би можела да изгуби најмалку 50 милијарди долари следната година поради американските и европските санкции против руските нафтени компании изјави синоќа украинскиот претседател Володимир Зеленски.

Тој додаде дека Украина веќе соработува со Европската Унија за зајакнување на овие санкции во претстојниот 20-ти пакет.

„Извозот на нафта е основа на руската ароганција и ако санкциите се одржат и зајакнат, Русија ќе претрпи значителни загуби. Тие би можеле да достигнат најмалку 50 милијарди долари следната година, што е силен аргумент за Русија да развие мотив за завршување на оваа војна. Ќе продолжиме да создаваме повеќе вакви аргументи. Украина веќе е во контакт со Европската Унија во врска со 20-тиот пакет санкции, ние ги презентираме нашите предлози“, рече тој.

Зеленски додаде дека Украина е во контакт и со американската страна.

„Сметаме на клучните земји да го одржат овој тек на дејствување. Веќе гледаме дека ќе има намалување на увозот на руска нафта од Индија и Кина и важно е да се осигура дека нема дупки во санкциите преку трети земји“, истакна тој.

Зеленски нагласи дека намалувањето на извозот на руската нафта значи намалување на воените напори на Русија „и не треба да има исклучоци од ова за никого, вклучително и за Унгарија“.

Тој додаде дека Русите веќе размислуваат како да ги продадат своите претпријатија, вклучително и во Европа, бидејќи повеќе нема да можат да управуваат со нив.

Поврзани теми:

војна|актуелно|зеленски|Русија|санкции|нафтени компании

Повеќе на оваа тема:

Најнови вести од: Свет

Во Кина пробиена планина долга 22 километри и се изгради најдолгиот автопатски тунел!

Кина го пушти во употреба најдолгиот автопатски тунел во Азија, долг 22,13 километри, кој минува низ планините во покраината Гуиџоу. Тунелот „Тјаншан Шенгли“, со модерно осветлување и бетонска конструкција, веќе се смета за едно од најзначајните инженерски остварувања во регионот.

„Политико“: Пука обединетиот европски фронт против Трамп – се разоткриваат старите линии на внатрешниот расцеп во ЕУ

„Лидерите на ЕУ се подготвуваат за големи борби околу прашања, кои се движат од заеднички одбранбени проекти до економски реформи, но обидот за олабавување на зависноста на Европа од Америка на Доналд Трамп открива длабоки поделби меѓу 27-те земји на блокот. Обновената желба да се намали зависноста од Вашингтон ги исфрла на површина познатите несогласувања пред самитот на лидерите на ЕУ во четврток.“ – објави денес аналитичкиот портал за европски прашања „Политико“ од Брисел во анализата со наслов „Настојувањето на Европа да оди сама ги разоткрива старите линии на нејзиниот внатрешен расцеп и на грешките“.

Десет мртви и 27 повредени во оружен напад во средно училиште во Британска Колумбија, Канада

Десет лица се убиени, вклучувајќи го и напаѓачот, вчера, на 10 февруари, во оружен напад во средно училиште во градот Тамблер Риџ, во Британска Колумбија, во Канада. Во училиштето има 160 ученици од 7 до 12 одделение на возраст од 12-18 години. ‘Полицијата спречила оваа ужасна трагедија да стане уште полоша.’.  објавија властите. Би-Би-Си јави дека пукањето се случило околу 13:20 часот по локално време.

Хрватска: Калуѓерката лажела дека била напднта со нож од мигрант

Обвинителството бара казна од 10 месеци затвор за калуѓерката Т.З. (35), условна казна од три години, откако е обвинета за лажно пријавување кривично дело, бидејќи поднела кривична пријава против непознат напаѓач иако самата нанела повреди со нож

Урсула фон дер Лајен пред ЕП: Спремна сум да напредувам дури и без согласност на сите 27 членки

Претседателката на Европската комисија, Урсула фон дер Лајен, денеска во обраќањето пред Европскиот парламент во Стразбур ја истакна потребата од итно поедноставување и интеграција на пазарот на капитал во Европската Унија, со цел да се намали фрагментацијата и да се зајакне конкурентноста на европските компании во глобалниот контекст.
Сите вести од Свет

Најнови вести

To top