Еруптираше вулканот „Кључевскаја Сопка“ на рускиот полуостров Камчатка по силниот земјотрес, соопшти службата за геолошки истражувања, пренесува Ројтерс.
Во соопштение објавено на Телеграм, Геофизичката служба на Руската академија на науките соопшти:
„На западната падина е забележано спуштање на жешка лава. Има силен сјај, експлозии над вулканот.“
Сместен околу 450 км северно од регионалниот главен град Петропавловск-Камчатски, Кључевскаја Сопка е еден од највисоките вулкани во светот.
Еруптирал неколку пати во последните години.
Земјотресот кој го потресе полуостровот Камчатка бил со јачини од 8,8 степени на рихтеровата скала и предизвика цунами што создаде паника во земјите во таканаречениот „огнен појас“ во Пацификот.
Високите бранови ги погодиле Хаваи, а сигнале и до Калифорнија, јавија агенции.