Тема: Национална алијанса за интеграција

Хоџа: Највиновен за слабите резултати на НАИ на изборите е Ахмети, им веруваше на погрешни луѓе

Посочувањето од Аријанит Хоџа дека лидерот на ДУИ Али Ахмети сноси најголема вина поради слабите резултати на нивната коалиција Национална алијанса за интеграција (НАИ) на локалните избори означува дека и внатре во оваа коалиција на ниво на партии започнува „расчистувањето на сметките“ за изборниот дебакл: Европската демократска партија, чиј лидер е Аријанит Хоџа, која е дел од НАИ, веќе го вперува прстот кон Али Ахмети…

Даути: Освоените 10 општини се 10 печати на легитимитетот на Вреди како претставник на Албанците, кои ја казнија ДУИ, оти ја злоупотреби власта!

Во својата објава на фејсбук заменик-директорот на Царината на Македонија Мустафа Даути нагласува дека „целосен пораз доживеа и Националната алијанса за интеграција – коалицијата на ДУИ и Ахмети со двете крила на Алијансата за Албанците на Зијадин Села и Арбен Таравари“. „Конечно, Села и Таравари како двајца лекари ѝ помогнаа на ДУИ да замине од клиничка во биолошка смрт. Вреди се бетонира како единствена опција што работи пред да ветува, која дејствува пред да биде доцна.“ – посочи на општествената мрежа Мустафа Даути.

ДИК ги објави првичните резултати: убедлива победа на ВМРО-ДПМНЕ и во вториот круг

Според првичните резултати, кандидатите на ВМРО-ДПМНЕ и Коалицијата водат во 21 општина, кандидатите на Коалицијата Вреди во четири општини, кандидатите на СДСМ и Коалицијата во три, додека Движењето ЗНАМ, Унија на Роми, Национална Алијанса за Интеграција – НАИ и Група избирачи Менди Ќура освоија по една општина.

На локалните избори победи ВМРО ДПМНЕ, но пред се заедничка Македонија, општините не се повеќе „ничиј етнички плен и сопственост“

Овие локални избори влеваат силни импулси во правец на меѓуетничката и политичката стабилизација и консолидација на Република Македонија. Овие локални избори ги поразија сите намери за предизвикување меѓуетничка нетрпеливост, меѓуетнички инциденти, сите планирани сценарија за внатрешно дестабилизирање на државата, за „избоксување“ предвремени парламентарни избори, заради уривање на постојната Влада на Република Македонија. Бирачите од различните етникуми денес порачаа дека ја разбираат Македонија како заеднички дом за сите, во кој сите ќе можат да живеат и да се развиваат во мир, разбирање и заедничко живеење и помагање.

НАИ на ДУИ и Ахмети „ги осудува бројните нерегуларности за време на изборната кампања за време на вториот круг од локалните избори“.

Веќе видена пракса е дека во во мигови на изборни порази секој се обидува да се „покрие“ со противнапади за наводни „нерегуларности“ и со обиди за намалување на победата на противникот…

„Фол“: Артан Груби од Албанија управува со официјалната страница на Бајрам Реџепи, кандидатот на НАИ за градоначалник на Тетово!

Дали навистина општествената мрежа „фејсбук“ ги откри местото и државата каде што се наоѓа Артан Груби, бегалецот од правдата од Македонија, поранешниот вицепремиер и „десната рака“ на лидерот на ДУИ Али Ахмети?! Дали се потврдуваат досегашните укажувања на добри познавачи на ситуацијата и случувањата во албанскиот политички блок дека Артан Груби, без оглед што избегал, како што се наведува, во Албанија, всушност продолжил да управува со низа важни активности во ДУИ и да влијае врз оваа партија, од дистанца, но без прекин во ниеден момент?!

Меџити: ДУИ оди по патот на ПДП, а НАИ ќе биде распуштена

Во емисијата „Ајде да зборуваме“ на ТВ21 Изет Меџити, новиот претседател на општина Чаир и еден од лидерите на коалицијата Вреди, изјави дека „поразот во првиот круг на локалните избори за опозициската коалиција Национална алијанса за интеграција (НАИ) на ДУИ и Али Ахмети претставуваше и загуба на надежта за враќање.“

Актуале: Левица отворено соработува со НАИ на Али Ахмети и ДУИ во вториот изборен круг во Струга, Тетово и Скопје!

Информативниот портал на албански јазик „Актуале“ ја констатира, како што нагласува, „веќе видната соработка на Левица на Димитар Апасиев со НАИ на Али Ахмети и ДУИ за 2 ноември“.

Апсурди на ДУИ: бара предвремени парламентарни избори и, ако би се вратила во владата, да не одговара пред премиерот, туку пред граѓаните?!

Пренесувајќи го ставот на неговата партија ДУИ и нивната опозициска коалиција Национална алијанса за интеграција (НАИ), Арбер Адеми со барањето да се одржеле предвремени парламентарни избори поправо се обидува да ги оспори резултатот од ланските парламентарни избори и политичката волја на граѓаните, кои гласале за ВМРО ДПМНЕ и другите партии, што ја сочинуваат сегашната Влада на Република Македонија. „Ќе треба да се одрази вистинската волја на граѓаните во составот на владејачките институции!“ – бара Арбер Адеми во име на ДУИ и НАИ, но дали мисли дека лани не била одразена вистинската волја на граѓаните?! Само затоа што ДУИ не е повеќе на власт, по две децении, би морала да им се исполни незгасливата желба да бидат доживотно во власта, па пак да се оди на парламентарни избори – барања и ставови на ДУИ, кои се далеку од реалноста и нормалната политичка пракса во секоја држава во Европа и светот.

Шабани: Сѐ уште се без потврда претпоставките дека Ахмети преговара со Апасиев и Левица за поддршка на 2 ноември во некои општини, но и на подолг рок!

Политичкиот аналитичар од Македонија Амир Шабани во својата колумна, која ја објави косовскиот весник „Бота сот“, фрла една поинаква светлина врз политичките потези, кои ги влече лидерот на ДУИ Али Ахмети. Шабани е категоричен дека шефот на „интегративците“ свесно го жртвувал Бујар Османи, фрлајќи го да „изгори“ во „огнот“ на локалните избори воопшто не со цел „Бујар да станел нов градоначалник на Чаир“, туку за да го исфрли од трката за нов лидер на ДУИ, која, како што тврди колумнистот, веќе е започната, зад сцената! Шабани пишува и за сѐ уште непотврдените шпекулации и претпоставки дека Ахмети веќе преговара со Димитар Апасиев неговата партија Левица да ѝ даде поддршка на коалицијата Национална алијанса за интеграција на Ахмети поддршка во некои општини во вториот круг на локалните избори на 2 ноември со надеж дека ќе се ублажи поразот на ДУИ и НАИ од првиот круг, но и за да добие Ахмети можност да ги потисне барањата и повиците за негово заминување во „политичка пензија“!

Рамадани: Не ја давам општина Брвеница по ниедна цена, ќе го заштитам секој нејзин жител?!

Се наметнува голема дилема: кому Хаќим Рамадани „нема да му ја даде општина Брвеница по ниедна цена“, од кого и за кого „ќе го заштител секој нејзин жител“?! Каква „лошотија“,  или „опасност“, наводно, им се „заканува“ на жителите на Брвеница, па да морало ете, токму тој да ги „заштитува“?! Во својата објава на фејсбук Хаќим Рамадани се обидува да се „покрие“, па „великодушно“ се нуди дека ќе ги „заштитува“ не само Албанците, туку и „Македонците и други народи, што живеат во општина Брвеница“. Но, етничката интонација на оваа порака преку општествената мрежа, земајќи ги предвид и другите негови изјави во изминативе денови, многу јасно одразува што сака попрво да каже тој. Рамадани веќе порача најотворено дека „треба да се знае кој е газда на својата земја“!

Рамиз Мерко им порача на стружани дека нема да го поддржи Арсим Далипи, кандидатот на НАИ и ДУИ во вториот круг

Сѐ уште актуелниот градоначалник на Струга Рамиз Мерко го продлабочи својот судир со довчерашната матична партија ДУИ и со своите сопартијци, практично, повикувајќи ги гласачите на Струга да гласаат во финишот на локалните избори на 2 ноември за независната листа, а не за кандидатот на Али Ахмети и на НАИ.

Најнови вести

To top