Архива за: 09.03.2026

Се евакуираат Македонци од Обединетите Арапски Емирати

Според податоците на МНР до скоро 473 македонски државјани побарале помош или информации преку претставништвата во Тел Авив, Доха и Абу Даби. Од нив, 19 лица се пријавени од Израел, 106 од Катар, додека 348 граѓани се обратиле до дипломатско-конзуларното претставништво во Абу Даби. Во оваа бројка се вклучени и 18 лица од Кувајт и 12 лица од Бахреин. Има дел македонски државјани кои се двоумат дали да се вратат.

Десеткратно поголеми казни за трговците ако продолжат да не го почитуваат законот, најави Владата

По седницата на Економско-социјалниот совет, што се одржа завчера, Дурмиши соопшти дека просечната потрошувачка кошничка што ја изработи Владата е за 13 проценти поевтина од потрошувачката кошничка што ја изработува Сојузот на синдикатите на Македонија. Доколку биде прифатена, се очекува да биде во примена од крајот на месецот. Со неа се опфатени 101 производ и, според Дурмиши, таа е реална, односно ги отсликува минималните трошоци на едно семејство.

Се стабилизираат цените на нафтата по ветувањето на Трамп за заштита на танкерите

Цената на WTI се приближи до 78 долари по барел, по масовните воздушни напади што САД и Израел ги изведоа врз Иран, членка на ОПЕК. Иран возврати со ракетни и дронски напади врз цели на Блискиот Исток, вклучително и енергетска инфраструктура, што предизвика раст на цената на американската нафта од 6 проценти во понеделник и дополнителни 5 проценти во вторник.

Уставниот суд одлучи: Линеарното покачување на пензиите не е неуставно и останува во сила!

Уставниот суд одлучи да ја запре постапката за оценување на уставноста на член 2 од измените на Законот за пензиско и инвалидско осигурување од 2025 година, со што престанува преиспитувањето на линеарното зголемување на пензиите. Со оваа одлука постојното законско решение останува дел од правниот поредок. Од Судот информираа дека предлогот за поинаква одлука не добил потребно мнозинство гласови, поради што постапката е прекината, пренесе МИА.

Багеи: ЕУ и европските држави да не се лизгаат кон нацистички размислувања и да не бидат соучесници во воени злосторства!

Портпаролот на иранското Министерство за надворешни работи Есмаил Багеи денес ја предупреди Европската Унија да не „се лизга“ во „историски, нацистички начини на размислување“ со поддршка на израелско-американските напади врз Иран. Во објава на мрежата X, тој го осуди ставот на Германија и ги предупреди европските држави „да не бидат соучесници во воени злосторства“.

Поттикнат од бугарски државјанин, скопјанец (30) исто како него ширел омраза кон македонската држава и идентитет преку општествените мрежи

На ваквите активности осомничениот бил поттикнат од бугарски државјанин, кој подолг период на социјалните мрежи и на други портали објавува содржини, чија цел е поттикнување омраза, нетрпеливост и насилство

Мицкоски: Претходната влада водеше канабис-економска политика, ова никогаш нема повеќе да се повтори во Македонија

Оваа Влада се обидува да најде начин да го задржи достоинството на македонските граѓани и да го придвижи евроинтеграцискиот процес напред, а за разлика од претходната влада, која водеше канабис економска политика, ги расчистува работите, десетици тони канабис веќе се запленети и се чекаат судските процеси – порача денеска премиерот Христијан Мицкоски во одговор на прашања од независниот пратеник Скендер Реџепи.

Агресивни насилници од Студеничани попречувале полицајци во вршење службени дејства

На подрачјето на Драчево полициски службеници од СВР Скопје, вчера при контрола на Н.И.(22) од село Студеничани, Скопско, констатирале дека управувал возило без да поседува возачка дозвола. По кратко време на местото дошле две возила, од кои излегле неколку лица, меѓу кои и М.С.(30) од Студеничани, и ги попречувале полициските службеници при вршење на службените дејствија. Се преземаат мерки за целосно расчистување на случајот.

Ристески: Владата има капацитет да се справува со кризи, не очекува поголеми потреси поради воениот судир

Како Влада будно ќе ја следиме ситуацијата. Колку побргу ќе заврши воениот судир подобро ќе биде за нас и за светот, истакна Марјан Ристески, заменик министер за економија и труд во емисијата „За или против“ на ТВ Алфа.

Мицкоски: Пролетва состанок со претседателот на Турција Ердоган во Скопје – Ќе се засилат заемните односи

„Убеден сум дека како наш стратегиски партнер Турција ќе овозможи слободен пристап на македонските компании на турскиот пазар, оти дел од постојните пречки ќе бидат многу скоро избришани и македонските производители, посебно во земјоделието, фармацијата и во останатите гранки ќе може да најдат свое место на турскиот пазар.“ – рече премиерот Христијан Мицкоски.

Најнови вести

To top