Премиерот на Нов Зелант, Кристофер Луксон изјави дека израелскиот лидер Бенјамин Нетанјаху „забегал со умот“.
Нов Зеланд, инаку, размислувала дали да признае палестинска држава, објави Ројтерс.
Луксон им изјави на новинарите дека недостатокот на хуманитарна помош, присилното раселување на луѓето и анексијата на Газа се „апсолутно ужасни“ и дека Нетанјаху отишол предалеку.
„Мислам дека забегал со Умот“, додаде Луксон, кој ја предводи коалициската влада од десниот центар. „Она што го видовме синоќа, нападот врз градот Газа, е целосно, целосно неприфатливо“.
Луксон претходно оваа недела изјави дека Нов Зеланд размислува дали да признае палестинска држава.
Блискиот сојузник Австралија им се придружи на Канада, Велика Британија и Франција во понеделник, објавувајќи дека ќе го стори тоа на конференцијата на Обединетите нации во септември.
Пред денешната парламентарна седница, мал број демонстранти се собраа пред зградата на националниот парламент, удирајќи тенџериња и тави. Локалниот медиум Stuff објави дека демонстрантите скандирале: „Пратеници, покажете храброст, признајте ја Палестина!“