Македонија Регион

Зошто се повеќе македонски студенти заминуваат да учат во странство?!

Во академската 2024/2025 година бројот на странски студенти во Словенија достигна 11.918, што е пораст од 12,8% во однос на претходната година. Повеќе од 1.000 од нив доаѓаат од само четири земји, меѓу кои и Македонија.

2 минути за читање

Интересот за студирање во Словенија, поддржан со висок квалитет на образование, најмодерни услови и дипломи признаени во Западна Европа, продолжува да расте меѓу младите од Македонија. Одличните студиски програми, професорскиот кадар и можноста дипломата да биде признаена во западноевропските држави се главните адути зашто македонските студенти се решаваат да заминат таму. Дел од словенечките факултети дури нудат и бесплатни студии за македонските граѓани, а на интернет лесно може да се најдат специјализирани страници преку кои може да се аплицира и да се искористат овие поволности.

Според официјални податоци, во тековните академски години 2023/2024 и 2024/2025 во Словенија се запишале над 3.100 студенти од Македонија. Според „Телеграф“, над 3.100 млади од земјава во последните две години станале дел од словенечките универзитети. Само во академската 2023/2024 година, дури 1.697 македонски граѓани се запишале на словенечки факултети.

Во академската 2024/2025 година бројот на странски студенти во Словенија достигна 11.918, што е пораст од 12,8% во однос на претходната година. Повеќе од 1.000 од нив доаѓаат од само четири земји, меѓу кои и Македонија.

Иако точни податоци за октомври 2025 година сè уште нема, според статистиката може да се претпостави дека бројот на нови македонски студенти во Словенија ќе достигне околу 1.800 до 2.000. Оваа проценка се темели на континуираниот пораст на странски студенти и на фактот што македонските студенти се меѓу најбројните групи што заминуваат таму.

На конференција организирана од Словенечката амбасада и Македонската студентска организација во Словенија, младите истакнаа дека образовниот систем таму нуди современи наставни методи, добро опремени лаборатории и кариеерни центри. Ситуацијата ја споредија со онаа дома, каде што студентите често се приморани да работат во кафулиња за да го надоместат недостигот од поддршка.

Многумина од нив изразуваат загриженост за „одливот на интелектуален потенцијал“. Иако дел од студентите би сакале да се вратат по студиите, лошите институционални услови и ниската мотивација за професионално ангажирање во Македонија ги одвраќаат од таа одлука.

Министерството за образование признава дека не поседува точна статистика за студентите кои самостојно заминуваат на студии во странство. Единствено се води евиденција за оние кои биле добитници на државни стипендии за престижни универзитети во светот, околу 400 студенти во последните 15 години. И додека бројките постојано растат, државата се труди, но барем за сега не може да преземе конкретну чекори за младината да остане дома, односно механизми за поддршка на младите.

Поврзани теми:

топ|студенти|студии

Повеќе на оваа тема:

Најнови вести од: Македонија Регион

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.

Мицкоски: Очекувам во јунскиот извештај на ЕУ да бидеме најдобри исто како во декемврискиот, има уште време за разговори со опозицијата за изборниот закон

Премиерот Христијан Мицкоски денеска повтори дека очекува во јунскиот извештај на ЕУ да бидеме најдобри исто како и во декемврискиот. Тој уште еднаш повика на разговори со опозицијата за Изборниот законик, за што кажа дека се уште има шанса да биде донесен и да биде исполнет и десетиот чекор од зададениот грејс период.

Денес се одбележуваат великото дело и личноста на Свети Наум Охридски, еден од основоположниците на македонската и сесловенската писменост (1)

Денес Македонската православна црква – Охридска Архиепископија и сиот македонски народ, не само оние, кои се православни христијански верници, го одбележуваат црковно-народниот празник, посветен на личноста и великото дело на Свети Наум Охридски – Чудотворец, еден од основоположниците на македонската и сесловенската писменост и просвета, заедно со светите браќа Кирил и Методиј, како и со Св. Климент. Свети Наум Охридски останува запаметен како исцелител и просветител на македонскиот народ, но како и заштитник на манастирот „Св. Наум“ во Охрид. Охридската книжевна школа, како најстара средновековна македонска книжевна школа, е формирана во 886 година од Свети Климент Охридски. Во 893 година на Климент му се придружува Свети Наум Охридски, откако Климент е назначен како епископ. Во рамките на Охридската книжевна школа биле обучени повеќе од 3.500 ученици и таа одиграла клучна улога во описменувањето, како и во ширењето на македонската и словенската писменост и култура.
Сите вести од Македонија

Најнови вести

To top