Можно ли е скопјани по втор пат во историјата да останат без јавен градски превоз?! Според сведоштва на граѓани на социјалните мрежи, линиите што сообраќаат од Центар кон Драчево, Лисиче и Пинтија, како и обратно, полека се исклучуваат, најверојатно за да можат автобусите да стигнат до гаражите со останатото гориво.
Пуцко петрол го прекршил сѐ уште важечкиот договор со Јавното сообраќајно претпријатие и го стопирал снабдувањето со нафта. Скопјани се соочуваат со можноста повторно да има прекини во јавниот превоз, или како што информираат од ЈСП – оваа ситуација може директно да влијае врз редовното функционирање на автобусите и врската помеѓу различните делови на градот.
Град Скопје претходно информираше дека компанијата која го снабдува ЈСП со нафта привремено го прекина доставувањето, поради неплатени долгови од претпријатието.
Јавниот превоз во Скопје во минатото неколку пати беше нарушен, предизвикувајќи проблеми за граѓаните, поради протести на приватни превозници или штрајкови на вработените во ЈСП. Денешниот прекин е резултат на прекинот на снабдувањето со гориво од страна на договорената компанија.
Граѓаните се советуваат да ја следат информацијата за можни промени во возниот ред и да планираат патувања според достапните линии.