Македонија

МВР: Уапсен 14-годишник од Гостивар, возел украденo „БМВ“

Возилото му е вратено на сопственикот, а против малолетникот ќе биде поведена постапка

1 минута за читање

 

Министерството за внатрешни работи објавува дека уапсило 14-годишник од Гостивар откако бил фатен како вози БМВ кое било пријавено како украдено.

„На 26.09.2025 година, во 18:15 часот, на регионалниот пат Ресен-Охрид, во близина на селото Косел во Охрид, полициски службеници од СВР Охрид лишија од слобода 14-годишник од Гостивар.

Тој управувал возило „БМВ“ со гостиварски регистарски ознаки, сопственост на Г.И. (66) од селото Форине во Гостивар, за кого постои сомнение дека го одзел без дозвола од сопственикот. Откако го забележале возилото, полициските службеници го запреле на регионалниот пат Охрид-Ресен и веднаш го отстраниле од сообраќај.

Со малолетникот бил извршен службен разговор во присуство на претставник од Центарот за социјална работа Охрид, по што бил однесен во СВР Гостивар.

Возилото му е вратено на сопственикот и по целосно документирање на случајот, ќе следи соодветна пријава“, соопшти МВР.

Поврзани теми:

избор|БМВ|уапсен|крадец|14 годишник

Повеќе на оваа тема:

Најнови вести од: Македонија

Клековски: Западнонилската треска стивнува, на Клиниката за инфективни болести сe згрижени шест пациенти

Министерот за здравство Сашо Клековски вели дека епидемијата на западнонилската треска стивнува, за што говорат податоците дека во последните две седмици има по два нови случаја, а и на Клиниката за инфективни болести моментно се згрижени шест пациенти, од кои само двајца се во потешка состојба.

Мицкоски: Колку и да сакаат да го оцрнат работењето на оваа Влада, денес многу подобро се живее отколку пред 3 години!

„Пред 25-26 месеци наследивме  уништени институции, ограбена економија, клекната на колена држава, разочарани и демотивирани граѓани. И сега,  колку и да сакаат да го оцрнат тоа што денеска оваа Влада го работи, ќе мора сите да се согласиме дека денеска многу подобро се живее од тоа што беше пред три години.“ – изјави денеска премиерот Христијан Мицкоски, одговарајќи  на новинарско прашање во врска со забелешките на опозицијата околу порастот на бруто-домашниот производ.

„Babuna Red 2023“ на „Тиквеш“ го освои Лондон: Престижен трофеј за најдобро црвено вино од Македонија

На свечениот настан за доделување на наградите освоени на годинешниот International Wine Challenge (IWC), што се одржа на 8. септември во Лондон, трофејот за „Babuna Red 2023“ за најдобро црвено вино од Македонија, му беше врачен на претседателот на Управниот одбор на ВВ „Тиквеш“, Светозар Јаневски. Со оваа награда, „Babuna Red 2023“ се вбројува меѓу вината што оставија најсилен впечаток на едно од највлијателните и најценети светски вински натпреварувања, потврдувајќи го квалитетот, автентичноста и меѓународниот потенцијал на македонското вино. Ова престижно признание има и дополнителна тежина бидејќи „Babuna Red 2023“ на истиот натпревар освои и златен медал со високи 95 поени, издвојувајќи се меѓу најдобро оценетите вина во својата категорија.
Сите вести од Македонија

Најнови вести

To top