Американскиот претседател би сакал да знае што планира Украина да прави со ракетите „Томахавк“ пред да се согласи да ги испорача, бидејќи не сака да ја ескалира војната со Русија, објави Ројтерс.
Трамп не го исклучи тоа и „веќе се одлучил“ за ова прашање.
„Мислам дека сакам да дознаам што ќе прават со нив“, рече тој. „Каде ќе ги испраќаат? Претпоставувам дека ќе морам да го поставам тоа прашање. Би поставил неколку прашања. Не сакам да ја ескалирам оваа војна“, додаде тој.
Немаше веднаш реакција од руските и украинските власти на барањето на Ројтерс за коментар по работното време.
Володимир Зеленски побара од САД да им продадат „Томахавк“ на европските земји кои би ги испратиле во Украина.
Ракетите „Томахавк“ имаат дострел од 2.500 км, што ја става Москва во дофат на украинскиот арсенал ако Киев ги добие.
Рускиот претседател Владимир Путин во неделата изјави дека ако Вашингтон ги испорача во Украина, тоа ќе доведе до уништување на односите со Москва.