Основното јавно обвинителство во Куманово бара притвор за српски државјанин, откако бил фатен б=во обид да прошверцува околу 130 килограми марихуана.
Според Обвинителството, српскиот државјанин управувал камион со словенечки регистарски таблички, додека дрогата била скриена во 14 торби.
„На 29 октомври, на граничниот премин Табановце, во камион со полуприколка (ладилник) со словенечки регистарски таблички, се обидел да премине 129,7 килограми наркотична дрога – марихуана.
Дрогата, сместена во 14 торби скриени во камионот во сопственост на транспортна компанија од Словенија, била откриена од страна на царинските службеници при претрес на возилото“, соопшти Обвинителството.