Во авторска анализа на профилот ,,Жива е Македониiа” се коментира последниот настап на актерот Гоце Тодоровски.
Според анализата кога актерот зборувал за “својата човечка големина” во поткастот си замислувал дека е Гоце Делчев, а не Гоце Тодоровски.
Во продолжение кратка анализа за излагањето на Гоце Тодоровски кое според Жива е Македонија ја револтирало македонската јавност:
,,Јас, јас и само јас, сите други ги фрли во сенка!”
Имено, пред повеќе од недела дена актерот Гоце Тодоровски беше поканет во поткастот на Лазаров. Разговараа повеќе од два часа.
Јавноста беше шокирана од некои ставови на актерот.
Егото на највисоко ниво!
Говорејќи за себе не испушташе во секоја втора реченица да повторува дека тој е единствената легенда во Македонија.
На почетокот ги омаловажи своите брат и сестра дека не биле воопшто умни и интелегентни како него.
Најмногу го навреди својот долгогодишен колега Лазар Бараков глумејќи дека не се сеќава на неговото име.
Гоце исто така рече дека Лазар Бараков не знаел да говори литературно македонски – зборувал на бугарски јазик во Македонските народни приказни (иако речникот на самиот Гоце изобилува со србизми како на никој македонски актер досега) со што жестоко ги навреди струмичани кои истите не сметаат дека нивниот јазик е бугарски дијалект. И со потсмев дека сите струмички села за него се “едно исто”. Струмичани кои толку го почитуваа!
Едноставно овој човек ги изнавреди сите.
Гоце продолжува – “не можеше да се сети” ниту на Тони Михајловски. Го нарече оној келавиот од Куманово.
Тој со одбрани зборови го навреди и актерскиот пар Колозови.
Немаше убав збор ниту за помладата генерација актери.
Искажа ноторни лаги за режисерите Милчо Манчевски и Столе Попов.
Излажа за тоа дека Петре Прличко го прогласил за свој наследник.
Се направи поголем и од Никола Груевски. Со тоа што го викал “Николче” додека бил премиер, а овој го викал во кабинет само да го види!
На крајот Гоце Тодоровски даде “многу добар” совет како да опстои еден брак.
Јавно призна дека имал многу швалерки и дека многу ги сакал. Но и покрај тоа секогаш се враќал дома, а жена му не го оставала затоа што не можела да најде подобар од него.
П.с Заклучок – Гоце Тодоровски немаше потреба од фалење и плукање по другите. Требаше само да каже некоја шега и да пренесе некоја интересна анегдота и да раскаже за неговата плодна кариера. И се ќе беше во ред. Сите го сметавме за легенда. Немаше потреба на секоја втора реченица да повторува дека е легенда, а во исто време да ги омаловажуваат сите други.
Како рекол нашиот народ – ,,Колку што сам можеш да си наштетиш никој не може толку”
Но добро е што самиот се разоткри и за поголемиот дел од јавноста која не го познаваше вистинскиот Гоце.
Она за кое му требаа 50 години да го изгради си го сруши во еден 50 и кусур минутен поткаст.
И за крај едно прашање – Гоце дали знаеш дека фалбата е рѓа? Покрај толку многу снимени епизоди од Македонските народни приказни.
Авторска анализа на Жива е Македонија