Македонија

Сиљановска-Давкова повика на конкретни инвестиции во справувањето со климатските промени

Сиљановска-Давкова ќе ја предводи делегацијата на COP31 во Анталија

2 минути за читање

Претседателката Гордана Сиљановска-Давкова денеска порача дека Македонија мора климатските обврски да ги претвори во реални инвестиции и мерливи резултати. Според неа, борбата против климатските промени бара заедничка акција, јасна одговорност и навремена превенција.

На настанот „Национален дијалог во пресрет на COP31“, организиран од УНДП заедно со ресорните министерства, претседателката оцени дека климатските промени одамна не се само еколошко прашање, туку системска криза што влијае врз целото општество.

Таа потсети дека Македонија, како дел од ранливиот медитерански регион, веќе ги чувствува последиците од суши, поплави, шумски пожари и аерозагадување. Посочувајќи го извештајот на Светската банка, Сиљановска-Давкова истакна дека во последните две децении штетите од екстремни климатски настани се проценуваат на 667 милиони долари. Без инвестиции во адаптација, годишните загуби би можеле да достигнат четири проценти од БДП до 2050 година.

Претседателката посебно ја нагласи потребата од брзо усвојување на Законот за климатска акција, за кој Европската комисија веќе дала позитивно мислење во однос на усогласеноста со европското право. Покрај законската рамка, според неа, неопходни се и сериозни вложувања во адаптација и во зајакнување на отпорноста на државата.

Како конкретна мерка го предложи воспоставувањето на Национален интегриран мултихазарден информативен систем за превенција од катастрофи. Таквиот систем би овозможил поврзување на постојните капацитети, подобро искористување на податоците и навремено предупредување при топлотни бранови, суши, бури, поплави и пожари.

Во пресрет на COP31 во Анталија, каде што ќе ја предводи македонската делегација, Сиљановска-Давкова порача дека земјата мора да настапи со јасни приоритети, подготвени проекти и прецизно дефинирани потреби за финансирање. Таа повика на поинтензивна соработка меѓу институциите, научната заедница, општините и приватниот сектор.

Претседателката на крајот истакна дека одговорноста за заштитата на природата ја делат сите – институциите, бизнисот, медиумите и граѓаните. Таа повика на промена на пристапот и на градење општествен договор со природата, во кој таа ќе се третира како партнер, а не како ресурс што треба да се експлоатира.

Поврзани теми:

климатски промени|Гордана Сиљановска-Давкова|инвестиции|топ

Повеќе на оваа тема:

Најнови вести од: Македонија

Ристески: Дигитализација и иновациите во производствените капацитети се неопходни за компаниите да опстанат и да бидат конкурентни на меѓународниот пазар

Годишната индустриска конференција „MANUFACTURING 2026 – Трансформација кон иновации“ е во организација на Македонското здружение на металната и електроиндустријата (MAMEI), Стопанската комора на Македонија и Европскиот дигитален иновациски хаб – ДигитМАК

Туристички бум во Турција: Рекордни приходи од туризмот од 51,3 милијарди долари во првите девет месеци од годинава

Вкупниот број посетители во Турција во наведениот период достигнал 49,1 милион. Руската Федерација со 5,70 милиони посетители, Германија со 5,17 милиони и Обединетото Кралство со 3,20 милиони посетители останаа трите најголеми туристички пазари за земјата.

Ѓуров и Јотова бараат примена на „Францускиот предлог“, што е негирање на македонскиот јазик и Македонците, кои во 1890 бараа од Цариград негова употреба!

На 29 октомври во завршната дебата на Бугарската национална телевизија пред одржувањето на вториот круг на претседателските избори во Бугарија на 1 ноември 2026 година Андреј Ѓуров и Илијана Јотова, двата кандидата за претседател на Бугарија, го повторуваат барањето да се внесат Бугарите во уставот на Македонија. Едновремено тие бараат и „целосна примена“ на злогласниот „француски предлог“ и „Вториот протокол“, со кои во најдиректна смисла официјална Софија бара Македонија „да признае и да прифати“ дека „македонскиот народ и јазик имаат бугарски корени“. Јотова уште сево ова го нарекува „европска политика. И Ѓуров и Јотова се во жесток судир со реалноста и со историјата. На 30 октомври 1890 година Македонците од Охрид испраќаат официјална молба до Високата порта во Цариград. Во оваа молба, македонските првенци експлицитно бараат дозвола за основање македонски училишта во Охрид и околината, во кои наставата ќе се изведува на македонски јазик. Ова е еден од најважните документирани јавни прогласи од XIX век каде што јасно се дефинира засебноста и автентичноста на македонскиот јазик, независно од пропагандите на соседните држави.

(Фото+Видео): Нова авиолинија Скопје-Тиват, наскоро директно од Скопје до црногорското приморје

Станува збор за реализација на договореното при неговата претходна посета на Подгорица, нагласувајќи дека новото авиоповрзување ќе има значење за зголемување на размената меѓу двете држави.

Пријавете се на работилницата на „Реплек“ со Марко Пејчиновски: „РЕсет за внатрешна сила. РЕсет за добросостојба“

Овие иницијативи се надополнување на бројните активности што компанијата континуирано ги реализира за своите вработени во рамките на платформата РЕсет, со цел поттикнување здрави животни навики, личен развој и целокупна добросостојба.

Мицкоски: Очекувам победа на ВМРО ДПМНЕ во Брвеница! Да се гласа не за етнички поделби, туку за подобар живот во Македонија!

Денеска ќе имаме завршно обраќање пред жителите на Брвеница. ВМРО-ДПМНЕ во секоја кампања влегува со цел да победи, така и во оваа кампања во Брвеница, во вториот круг. Во првиот круг имавме најмногу гласови, речиси 3000, очекуваме тој број на гласови да го зголемиме. Очекувам победа на ВМРО-ДПМНЕ и Коалицијата – изјави денеска премиерот и лидер на владејачката македонска партија Христијан Мицкоски одговарајќи на новинарско прашање во однос на вториот круг за избор на градоначалник на општина Брвеница.
Сите вести од Македонија

Најнови вести

To top