Структури поврзани со повеќе институции и политички партии во Бугарија ја засилуваат пропагандната кампања насочена против изборот на адвокатот и активист за човекови права, Тони Менкиноски, за судија во Меѓународниот суд за човекови права во Стразбур.
Целта на координираниот напад врз адвокатот кој има огромни заслуги за десетина пресуди против Бугарија кои предходно во Судот во Стразбур ги добиваа Македонците во Бугарија е да се оцрни Менкиноски пред Советот на Европа и комисиите кои ќе одлучуваат за финалниот избор за македонскиот претставник во судот за човекови права.
Последниве дваесетина дена бугарските структури во ЕУ координирано се среќаваат или комуницираат на друг начин со луѓе кои можат да влијаат на изборот на македонскиот судија.
Менкиноски за Софија е опасен затоа што од една страна како адвокат добро ги познава приликите во Стразбур каде Македонците ги водат своите процеси во Бугарија, и други, земји.
Од друга страна Менкиноски има контакти и одлични релации со сегашни и поранешни комесари за човекови права и влијателни европски активисти и функционери со чија помош може да се намали огромното влијание на Бугарија во Советот на Европа.
Изборот на Менкиноски за судија во Стразбур е опасен за Бугарија затоа што иако тој нема да може директно да им помага на Македонците, Македонија ќе добие гарант дека кога се во прашање човековите права во органот на најстарата Европската институција тие нема да бидат дискриминирани или понижени.
Македонската комисија за избор на претставник на земјата во Судот во Стразбур допрва треба да избере тројца кандидати од групата кандидати кои го минаа првиот филтер.
Од тројцата кандидати кои се уште не се избрани ќе биде избран македонскиот судија во Стразбур.
Доколку успее бугарската операција, Менкиноски нема да биде македонски судија во Стразбур.