Министерот за здравство Азир Алиу денеска ја објави првата целосна дигитална евиденција на медицинскиот кадар во земјата: вкупно 32.383 вработени лица во јавното и приватното здравство.
Од нив, 18.536 се вработени во јавните здравствени установи, додека 13.847 работат во приватниот сектор. Во приватното здравство 9.040 се лекари, а останатите 4.807 се друг медицински и немедицински персонал.
Во јавното здравство на секундарно и терциерно ниво работат 4.746 лекари и соработници и 7.003 медицински сестри.
„Од денеска конечно ќе можеме во реално време да го следиме движењето на човечките ресурси во здравството – вработувања, пензионирања, специјализации, префрлања меѓу установи. Оваа база на податоци ќе ни овозможи кадрите да ги насочуваме таму каде што се најпотребни, без задоцнување од месеци“, изјави министерот Алиу.
Тој, сепак, потенцираше загрижувачка реалност: Македонија има двојно помалку лекари и медицински сестри на 100.000 жители од европскиот просек, што останува еден од најголемите структурни предизвици на здравствениот систем.