Свет

Трамп: Мировниот план мора да му се допадне на Зеленски!

Ако не му се допаѓа тогаш, претпоставувам, дека ќе треба да продолжи да се бори, вели американскиот претседател

Американскиот претседател Доналд Трамп вели дека Украина треба да го прифати мировниот предлог на САД за да се стави крај на војната на Русија во земјата.

На прашањето дали разговарал за мировниот план од 28 точки за Украина со Володимир Зеленски, Трамп рече:

„Имаме план. Ужасно е што се случува. Тоа е војна што никогаш не требаше да се случи.“

„Мислиме дека имаме начин да постигнеме мир. Тој ќе мора да го одобри“, додаде американскиот претседател.

Кога новинар го праша дали мировниот план бил пречекан со критики, Трамп возврати со прашање: „Дали мислите дека нему [Зеленски] не му се допаѓа?“

„Ќе мора да му се допадне, а ако не му се допаѓа, тогаш претпоставувам дека треба да продолжиме да се бориме“, рече Трамп.

„Ја наследив оваа војна. Мислев дека требаше да склучи договор пред една или две години“, заклучи Трамп.

Трамп потврди дека Украина има рок до следниот четврток да се согласи на првата фаза од мировниот договор.

„Имав многу рокови, но ако работите одат добро, имате тенденција да ги продолжувате роковите. Но, четврток е разумен рок“, рече американскиот претседател во радио интервју за „Фокс њуз“.

Објавен е мировниот план на Трамп за Украина кој содржи 28 точки

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top